Social Icons

Tuesday, January 29, 2013

ဦးသိန်းစိန်အပစ်ရပ်ပြီး ဘာ့ကြောင့် လိုင်ဇာကို သဲကြီးမဲကြီးတိုက်နေရတာလဲ (ဂ)

မြန်မာပြည်မြောက်ပိုင်းဟာ တော်လှန်ရေးဆုံချက်ဖြစ်လာနေလို့ပါ။ တော်လှန်ရေးဆုံချက်ဆိုတာ တော်လှန်ရေး အလံ မြင့်မြင့်မားမားလွှင့်ထူနိုင်တဲ့ဒေသဖြစ်သလို တော်လှန်ရေးအောင်ပွဲခံမဲ့၊ တော်လှန်ရေး ဘူမိနက်သန်နေရာ မှန်လည်းဖြစ်လို့ပါ။ တော်လှန်ရေးဆုံချက်ဆိုတာ ညီညွတ်မှုများပေါင်းဆုံရာဒေသလည်းဖြစ်ပါတယ်။ မြန်မာပြည်ပြည်တွင်းမှာ တော်လှန်ရေးဆုံချက်တွေဟာ မြို့ကြီးတွေဖြစ်ကြတဲ့ ရန်ကုန်၊ မန္တလေး လိုမြို့ကြီးတွေဖြစ်ကြတာများတယ်။ တစ်ချိန်တုံးက ကရင်ဗဟိုဌာနချုပ် မာနယ်ပုလောဟာ တော်လှန်ရေးရဲ့ ဆုံချက်ဖြစ်ခဲ့ဘူးတယ်။ ဘာ့ကြောင့်လဲဆိုတော့ တပ်ပေါင်းစုတွေအခြေပြုရာ၊ အခြေချရာဒေသ ဖြစ်ခဲ့သလို ဒီနေရာကနေပြီး တော်လှန်ရေးအသံတွေကို တစ်ချိန်တည်း၊ တပြိုင်တည်း ဟန်ချက်ညီညီလှုပ်ရှားနိုင်ခဲ့တဲ့နေရာပါ။ ကျောင်းသားတပ်မတော်ရှိခဲ့သလို ဦးစိန်ဝင်းဦးဆောင်တဲ့ အမျိုးသားညွန်ပေါင်းအစိုးရလည်းတည်ရှိခဲ့တဲနေရာတစ်ခု။ ၈လေးလုံး လူထုအရေးတော်ပုံပေါ်ပေါက်ပြီး နယ်စပ်ကိုရောက်ရှိလာကြတဲ့ ဒီမိုကရေစီအင်အားစုများနဲ့ တိုင်းရင်းသားလက်နက်ကိုင် အင်အားစုများဆုံဆည်းရာ DAB (democratic alliance of burma)လို့ခေါ်တဲ့ ဒီမိုကရေစီမဟာမိတ်များအဖွဲ့လည်း ထူးထူးခြားခြားရှိခဲ့လို့ပါ။ ဒီနေရာကနေပြီး အရေးကြီးတဲ့ တိုင်းပြည်တစ်ခုလုံးအပြောင်းအလဲဖြစ်မဲ့ နိုင်ငံရေးသဘောတူညီချက်တွေ၊ ပြည်ထောင်စုသဘောတူညီချက်တွေ ချမှတ်နိုင်ခဲ့သလို စစ်ရေးအရလည်း စုစုစည်းစည်းနဲ့ စစ်အာဏာရှင်တွေကို စိမ်ခေါ်အံတုနိုင်ခဲ့တဲ့နေရာပါ။ ဒါ့ကြောင့် နိုင်ငံရေးစစ်ရေးအရအရေးပါတဲ့ မာနယ်ပုလောဌာနချုပ်ကြီးကို စစ်အာဏာရှင်စနစ်ရဲ့ လက်ဝေခံ စစ်တပ်က ထိုးစစ်ကြီးနှစ်ကြိမ်ဆင်နွှဲခဲ့ဖူးပါတယ်။ ပထမအကြိမ်က ခွက်ခွက်လန်အောင်ရှုံးနိမ့်ခဲ့ရပြီး ဒုတိယ အကြိမ်မှာတော့ သူ့ရဲ့ သပ်လျှိုဝင်ရောက်ထားတဲ့ ထောက်လှမ်းရေး တွေက အဖျက်အမှောင့်နည်းတွေ အသုံးပြုခဲ့လို့ ကရင့်အမျိုးသားသွေးစည်းညီညွတ်ရေးကို ဖြိုခွဲနိုင်ခဲ့ပါတယ်။ ဒါ့ကြောင့် ကရင့်အမျိုးသားညီညွတ်ရေးပျက်ပြားခဲ့ရပြီး မာနယ်ပုလောဌာနချုပ်ကြီးကို လက်လွှတ်ပေးခဲ့ရပါတော့တယ်။ အဲဒီနောက်ပိုင်းမှာ တပ်ပေါင်းစုအဖွဲ့ဝင်တွေဟာ တစ်နေရာထဲမှာ မစုစည်းနိုင်တော့ဘဲ ထိုင်းနယ်စပ်တွေမှာ ကိုယ့်အစု့သူ့အစု့နဲ့ ရပ်တည်လာကြတာ ယနေ့အထိပါဘဲ။ တစ်ခေတ်တခါ တော်လှန်ရေးရှင်သန်၊ ကြီးထွား၊ ဖွံ့ဖြိုးလာခဲ့တဲ့အဓိကအကြောင်းရင်းကလဲကရင့်တော်လှန်ရေးနဲ့ကရင့်တော်လှန်ရေးခေါင်းဆောင်ဗိုလ်ချုပ်မြကြီးရဲ့ မှန်ကန်တဲ့ သဘောထားနဲ့ဦးဆောင်မှုကြောင့်လို့ ဆိုရင်လဲမမှားပါဘူး။ အိုမင်းမစွမ်းသည်အထိ တောင်ဝှေး ထောက်ပြီးလက်နက်ကိုင်တော်လှန်ရေးကို တော်လှန်ရေးသမားပီပီ အနစ်နာခံ၊ကိုယ်ကျိုးစွန့်တိုက်ပွဲဝင်ခဲ့တဲ့ ကရင့်တော်လှန်ရေး ခေါင်းဆောင်ကြီးတွေရဲ့ ဟန်တွေဟာ ကျနော်တို့ကျောင်းသားတပ်မတော် (မြန်မာပြည်မြောက်ပိုင်း) ရဲ့ စံတွေ ဖြစ်ခဲ့ရတယ်။
တော်လှန်ရေးတစ်ရပ်မှာ ဘုံရန်သူ စစ်အာဏာရှင်စနစ်ဆိုးကြီးကို ဖြုတ်ချနိုင်ဖို့အတွက် တပ်ပေါင်းစုနဲ့ အောင်ပွဲခံရေးမူဟာ အင်မတန်မှအရေးကြီးလှပါတယ်။ ဒီနေ့ကာလဟာ အားတွေကို စုနိုင်ဖို့၊ အားတွေညီညွတ်ဖို့၊ ဒီအားနဲ့အာဏာရှင်စနစ်ကို စုပေါင်းတွန်းလှန်၊ ဖြုတ်ချနိုင်ဖို့ အရေးကြီးကာလကို ကျရောက်လာနေပါပြီ။ တပ်ပေါင်းစုဆိုတာ သဘောတရားညီညွတ်မှုမှတဆင့် လုပ်ဟန်ညီညွတ်ရေးကို ရှေးရှုပြီး တပ်ပေါင်းစုလုပ်ငန်းကို လုပ်ကြရတာပါ။ အရေးကြီးဆုံးက မိမိတို့အဓိက ဦးတည်တိုက်ရမဲ့ရန်သူသတ်မှတ်ချက် ရှင်းလင်းဖို့ပါဘဲ။ ဒီနေ့ခေတ်ကာလဟာ ကိုလိုနီတစ်ပိုင်း၊ ပဒေသရာဇ်တစ်ပိုင်း မဟုတ်တော့တာတော့ သေချာနေပြီ။ အသေချာဆုံးကတော့ စစ်အာဏာရှင်တစ်ပိုင်း၊ အစိုးရတစ်ပိုင်းပါ။ ဒီနေ့ခေတ်ကာလဟာ အင်မတန်မှ အတွေးအခေါ်ရှုပ်ထွေးနေတဲ့ကာလဖြစ်ပါတယ်။ အဲဒီလိုရှုပ်ထွေးနေအောင်လဲ ဒီကနေ့အာဏာရှင် တွေက ဖန်တီးနေတာပါ။ ဦးသိန်းစိန်အစိုးရရဲ့ ရှုပ်ထွေးပွေလီတဲ့ လှည့်စားမှု၊ ပရိယာယ်အောက်မှာ အတိုက်အခံ ဒီမိုကရက်တစ်အင်အားစုတစ်ချို့အများစုတွေဟာ တွေဝေ၊ အားပျော့၊ နောက်ဆုတ်သွားကြပေမဲ့ တိုင်းရင်းသားလက်နက်ကိုင် အင်အားစုတွေဟာ မတွေဝေပါဘူး၊ အားမပျော့သွားပါဘူး၊ နောက်မဆုတ်သွားပါဘူး။ ဒီနေ့ကာလရဲ့ ထူးခြားတဲ့ အခြေအနေပါ။ အနောက်နိုင်ငံများရဲ့ အကျိုးစီးပွားပေါ်မှာ အခြေခံစဉ်းစားတဲ့ သူတို့ စဉ်းစားချက်အတိုင်း ဒီမိုကရက်တစ် အင်အားစုတွေကို NGO ပြုရေးနဲ့NGO လက်အောက်ခံပြုရေးပါဘဲ။ မိမိရပ်တည်ရေးအတွက်သော်လည်းကောင်း၊ တော်လှန်ရေး အချိန်ကာလရှည်ကြာလာသည့်အတွက်သော်လည်းကောင်း၊ မိမိအင်အားနည်းပါးလာသည့်အတွက် သော်လည်းကောင်း ခက်ခဲပင်ပမ်း၊ အချိန်ယူရမည့် လူထုစည်းရုံးရေးကို ထဲထဲဝင်ဇောက်ချလုပ်ရမည့် လုပ်ငန်းကိုပစ်ပယ်ပြီး အာဏာရှင်များနှင့် စေ့စပ်၊ ကြေအေးရေးလမ်းကိုလည်းလျှောက်၊ နိုင်ငံတကာ အကြိုက်လည်းရောက်ဆိုတဲ့ ရှဥ့်လည်းလျှောက်သာ၊ ပျားလည်းဆွဲသာ ဆိုတဲ့ မူကို ကိုင်လာတာကို သတိထား မိလိုက်တယ်။ ဒီမိုကရက်တစ်အတိုက်အခံအင်အားစုတစ်ချို့အများစုဟာ ငြိမ်းချမ်းရေးဆိုတဲ့ခေါင်းစဉ်ကိုကိုင်ပြီး ငြိမ်းင်ချမ်းစွာ အသွင်ကူးပြောင်းရေး၊ ငြိမ်းချမ်းစွာ အာဏာရှင်များနဲ့ အတူတကွယှဉ်တွဲနေထိုင်ရေး (ဝါ) စိတ်ကူးယဉ်ဝါဒ၊ အချောင်သမားဝါဒဘက်သို့ တစ်စတစ် ကူးပြောင်းလာတာကိုလည်း သတိထားမိလိုက်တယ်။
အဆိုးဝါးဆုံးမှားယွင်းတဲ့အတွေးအခေါ်တစ်ရပ်ကတော့ မိမိကိုယ်ကို မိမိ ငြိမ်းချမ်းရေးပုရောဟိတ်ကြီးများသဖွယ် ဘဝင်မြင့်၊ အထင်ကြီးကာ စစ်အာဏာရှင်နဲ့ လက်နက်ကိုင်တိုင်းရင်းသားတွေကြား၊ အဖိနှိပ်ခံလူထုကြားမှာ ကြားချပေးနေတာတွေ့လိုက်ရတော့ စစ်အာဏာရှင်များရဲ့ဘက်တော်သား(ငြိမ်းချမ်းရေးပုရောဟိတ်ကြီးများ) ဖြစ် လာနေတာကို ဝမ်းနည်းစွာတွေ့နေရတယ်။။ ဒီနေ့အချိန်ကာလက ဘဝပေးအခြေအနေရ လက်နက်ကိုင်တိုင်းရင်းသားတွေဟာ မိမိတို့ရဲ့ အမြင့်မားဆုံးရည်မှန်းချက် ဖြစ်တဲ့ တန်းတူရေးနဲ့ကိုယ်ပိုင်ပြဌာန်းခွင့်အတွက် လက်နက်ကိုင်တော်လှန်ရေးအလံကို မြင့်မြင့်မားမားလွှင့် ထူထားရမဲ့ အချိန်ပါ
ဒီကနေ့ စစ်အာဏာရှင်စနစ်ဆိုးကို ပြတ်ပြတ်သားသားဆန့်ကျင်နေသူ၊ အဖိနှိပ်ခံလူထုများဘက်မှ ခိုင်ခိုင်မာမာ ရပ်တည်နေသူများက လက်နက်ကိုင်တိုင်းရင်းသားအင်အားစုများဖြစ်လာနေပါတယ်။ အဲဒီအထဲမှာ အမျှော်အမြင်ရှိရှိ၊ ဇွဲသန်သန်၊ ထက်ထက်မြက်မြက်၊ ရဲရဲ တိုက်ပွဲဝင်နေသူက တပ်ဦးထိပ်မှာ ရှိတဲ့ KIOပါ။ သမိုင်းတစ်ကွေ့မှာ Kio အနေနဲ့ မိမိအလံကို ဆက်ထိမ်းထားခြင်းဟာ မြန်မာပြည်လွတ်မြောက်ရေးအတွက် အရေးပါတဲ့ ခြေလှမ်းကြီးတစ်ရပ်ပါဘဲ။ ဗီယက်နမ်ကို အမေရိကန်တွေတိုက်ရခြင်းဟာလည်း အရှေ့တောင်အာရှမှာ ဗီယက်နမ်ကျရင် ကွန်မြူနစ်တွေကျဆုံးမယ်လို့ သုံးသပ်ပြီးအမေရိကန်တိုက်ခဲ့သလို ကေအိုင်အိုကျရင် ကျန်တဲ့ တိုင်းရင်းသားတွေလည်း ခေါင်းထောင်ရဲတော့မှာ မဟုတ်တော့ဘူးဆိုတဲ့ အမြင်နဲ့ မဟာဗမာလူမျိုးကြီးဝါဒီစစ်အာဏာရှင်တွေက ကေအိုင်အိုကို သဲကြီးမဲကြီးတိုက်တာပါ။ ကေအိုင်အိုကို တိုက်တဲ့အခါမှာ ဦးသိန်းစိန်စစ်အာဏာရှင်အစိုးရဟာ ဗမာနဲ့ကချင်လူမျိုးရေးစစ်ပွဲဖြစ်ဆောင် ဖန်တီးယူပါတယ်။ ကချင်တွေကို ရက်ရက်စက်စက်သတ်ပြပါတယ်။ ရွာတွေကို မီးရှို့ပြပါတယ်။ မုဒိမ်းကျင့်ပြတယ်။ ကေအိုင်အိုက နိုင်ငံရေးအမျှော်အမြင်ကြီးခဲ့လို့ ဗမာနဲ့ကချင် လူမျိုးရေးစစ်မဖြစ်ခဲ့တာပါ။ နိုင်ငံရေးရင့်ကျက်မှု (သဘောထားကြီး၊သည်းခံခဲ့လို့ပါ။အဲဒါမဖြစ်တော့ ရှမ်းနီနဲ့ ကချင်ကို လှည့်တိုက်ပေးပါတယ်။ ကချင်ပြည်တွင်း မှာရှိတဲ့ ရှမ်းနီပါတီကို အသုံးချပါတယ်။ ရှမ်းနဲ့ကချင်ကို သွေးခွဲပါတယ်။ ဒီသွေးခွဲမှုကလည်း မအောင်မြင်ပါဘူး။မာနယ်ပုလောတိုက်တုံးကလိုဘဲ စစ်ရေးနဲ့ဖိ၊ နိုင်ငံရေးအရထိုးခွဲသပ်လျှိုနည်းဟောင်းကိုဘဲ KIOကို ပြန်သုံးလာတာဖြစ်ပါတယ်။ ရှမ်းလူထုသာနိုင်ငံရေးမရင့်ကျက်ခဲ့လျှင် ရှမ်းလူထုနဲ့ကချင်လူထု နောင်ဂျိမ်ချနေကြမှာပါ။
ယနေ့ KIO မျိုးဆက်သစ် ကချင်တော်လှန်ရေးခေါင်းဆောင်များရဲ့ နိုင်ငံရေးရင့်ကျက်မှုနဲ့ အမျှော်အမြင်ရှိ၊ ပြတ်သားမှုတွေဟာ ဒီအနီးခေတ်လက်နက်ကိုင်တော်လှန်ရေးကြီးတစ်ခုလုံးကို တုန်လှုပ်စေပါတယ်။ ဇွဲသန်သန် နဲ့ ပြတ်ပြတ်သားသားတိုက်ပွဲဝင်မှုက အဖိနှိပ်ခံမြန်မာပြည်သူလူထုတရပ်လုံးရဲ့ အားကိုးရာ၊ မျှော်လင့်ချက်ကြီး ဖြစ်လာပါတော့တယ်။
တော်လှန်ရေးတစ်ခုမှာ ဘူမိနက်သန်နေရာမှန်ဟာ တော်လှန်ရေးအတွက် သိပ်ပြီးအဓိကအခရာကျပါတယ်။ တစ်ချိန်တုံးက မာနယ်ပုလောဟာ တော်လှန်ရေးဘူမိနက်သန်ပါ။ စစ်အာဏာရှင်တွေ ဖိန့်ဖိန့်တုံအောင်၊ တုန်လှုပ်ချောက်ချားအောင် နိုင်ငံရေး၊ စစ်ရေးထိုးစစ်ဆင်ကြီးတွေဆင်နိုင်ခဲ့တဲ့နေရာပါ။ ကမ္ဘာ့ပြည်သူ၊ မြန်မာ့ပြည်သူအာရုံစိုက်ခဲ့တဲ့နေရာတစ်ခုလည်းဖြစ်ခဲ့တယ်။
ဒီနေ့ကာလ၊ ဒီနေ့အခြေအ့နေ၊ ဒီနေ့ပြဌာန်းချက်အရ တော်လှန်ရေးရဲ့ ဘူမိနက်သန်နေရာမှန် (သို့မဟုတ်) တော်လှန်ရေးဆုံချက်ဟာ မြန်မာပြည်မြောက်ပိုင်း (သို့) KIO ဒေသဖြစ်လာပါတော့တယ်။ဘာ့ကြောင့်လဲဆို တော့ ကျောင်းသားတပ်မတော်(မြန်မာပြည်မြောက်ပိုင်း) ရှိနေသလို တခြားမဟာမိတ်တပ်ပေါင်းများစွာလဲ ရှိနေ လို့ပါ။ ပထဝီအနေထားအရလည်း စစ်ရေးလှုပ်ရှားလို့ အကောင်းဆုံးနေရာပါ။ အနောက်ဘက်မှာ ကုလား ရှိသလို အရှေ့ဘက်မှာ တရုတ်ကြီးလည်းရှိနေတယ်။မာနယ်ပုလောနဲ့မတူတာက မာနယ်ပုလောက ထိုင်းကို ခြေကုတ်ယူထားတယ်။ ကေအိုင်အိုအနေနဲ့ ဌာနချုပ်ကို ကုလားဘက်မှာထားလို့ရသလို တရုတ်ဘက်မှာလည်း ထားလို့ရနေတာပါ။ လိုင်ဇာဟာ ရှေ့တန်းနယ်မြေပါ။ လိုင်ဇာကို နှစ်မျှောစရာမလိုပါဘူး။ တော်လှန်ရေး စိတ်ဓါတ်တွေ တွေဝေလာတာတွေကိုဘဲနှစ်မျှောမိတယ်..။ ကျနော်တို့ ကျောင်းသားတပ်မတော်(မြောက်ပိုင်း) ကတော့ သမဂ္ဂအစဉ်အလာထိမ်းသိမ်းသွားမှာပါ။ ကျနော်တို့ အချောင်သမားကို အင်မတန်မှ မုန်းပါတယ်
သားချစ်

No comments:

Post a Comment

shakram ga...

Myushadan blog de sa du ngun jaw la ai majaw grai chyeju kaba sai law .