SINNA GINWANG GINJAW KATA CHYEJU SHAKAWN HPAWNG GALAW

June (10)

Juen (9) ya jahpawt daw (7:00 am) ten, Sinna Ginwang Ginjaw, Masat (2) Dap Ba Daju, Awng Lawt Gawk Nu kata hta Padang Hkrun Lam Majan Laning mi hpring chyeju shakawn hpawng hpe Magam gun, Mung Mung shawa masha yawng marai (587) shang lawm ai hte angwi apyaw galaw ngut kre la lu sai lam shiga na chye lu ai. Ndai akyu lamang hta Masat (2) Dap Ba Up, Du Up Jum Dashi Brang Nan kaw nna, Padang hkrun lam majan masing laning mi laman na, Karai Kasang a mau hpa shaman chyeju hkam la lu ai lam hpe sakse hkam tsun sang lang dan lai mat wa sai lamung chye lu ai. Akyu hpyi lamang (program) hpe Hkristan Nawku hpung pawng hpawm lit la galaw sa wa ai lam, Ndai lamang hta KIO a NDAU SHABRA LAIKA hte, ပင္လံုကိုခ်စ္ပါ ngu ai laika pa ni hpe du sa ai Dap shawa, Mung shawa yawng hpe hkum gu dek garan jaw ai lam ni galaw la lu sai lam shiga na chye lu ai.