LAGWI MARE KAW MYEN HPYEN LAW LAW HKRAT

June (12) bat Lahkawng (JJINGHPAWKASA)

Jinghpaw Mungdaw Pangwa Lagwi Hpare ginra hta, Myen asuya hpyen dap hk-l-y (37) (413 ) dap ni hte Zahkung Ting Ying a jarit makawp dap ni gaw June shata praw (8) ya shani kaw nna, KIA myu tsaw share ninghkring ni nga ai shara kaw htu sit sa wa ai majaw, ya du hkra laja lana gap gasat nga ai lam shiga na chye lu ai. Myen gaw, Pangwa kaw nna gara de mung n gwi hkawm nna hkrit rawng taw nga sai hpe, Lagwi mare na ni gaw myen hpe sa shaga woi wa nna Tinang KIA hpyen la ni hpe sa woi gasat ai a majaw re lam, n dai majan hta KIA myu tsaw share ninghkring (7) hkala nna, (1) asak apnawng ra mat ai lam, Myen hte Zahkung Ting Ying hpyen la ni gaw (70) jan hkala ai kaw na (51) gaw si rum mat ai lam nyi kahtep ai buga masha ni kawn shana wa ma ai.