KAN NI YA NI MARE DE WA SAI KUN ?

                               Tsaw ra ai wunpawng myu sha ni e myit npyaw hpa na lu taw ai shi ga langai mi hpe garan dat mayu nngai .ya anhte jinghpaw mung a mare daju myikyina muklum shatapru lawk (6) hte man hkring lawk ni hta kan ni ya 4 ya grai law htam wa sai lam shi ga na chye lu ai .buga masha langi mi tsun ai gaw shatapru lawk (6) lam de shang yang kan ni dut ai ni mung nhkrit ntsang ai sha "e hkau rai nmari na i ? rai lawm ai le " ngu na she masha nlata mu lamu hpe sengke hte hkan shachyut dut nga ai lam na chye lu ai . masha kade nga tim lam kaw nan kan ni htu kadai mu mu hpa nkaw ai sha lam ntsa kaw nan rai nga ma ai nga na buga masha ni tsun dan wa ai re .ndai lam hpe myen ni chye tim hpa ahkyak nla ya dai hku gum hpraw sha la sha rai na dat da nga ai lam hpe mung matut chye lu ga ai .shani rai yang shatapru lawk (6) kaw gaw kan ni ya ni hte kanni dut ai ni hte mawng she rai kabrawng nga ma ai lam hpe mung tsun dan wa ma ai .                                      Dai zawn sha manhkring lawk kaw mung jing hpaw ma asak 14/15 sha naw re ai ni kanni ya byin nga ai lam na chye lu ai .man hkring kaw na buga masha langai tsun ai gaw shihpe e "e hkau nang kaw labu(jeans) ding sa ni nnga ai i ..labu ding sa ni hte mung kalang man lu galai lu ai " nga na san ai lam grai myit npyaw ai sha na lu ga ai .jinghpaw mung kata hta jinghpaw ma ni ya na zawn hten za nga ai hpe seng ang ai ni kawn mung ahkyak la ai lam nnga ra ai hku byin mu ga ngu kabu gara hte dat da ai hpa she re nga ma ai nga nna  buga masha ni tsun dan wa ma ai law .                                Ndai mang hkang hpe gaw kadai wa mi she hparan ya na ta ? LAJAWN NGAN SENG wa i ? myen asuya wa i ? ngu buga masha ni grai myit mada nga ma ai hpe chye lu ga ai .                   by;jinghpo zau