September (3) bat Langai
Jinghpaw
Mungdaw Myitkyina mare kaba, Shatapru lawk hta lai wa sai shata (26) ya
shana kawn hpang nna masat (1) balik dap kaw na pyada du
(စီတာပူစခန္းမွူး) mung lawm nna mali hka mahkrai kaw nga ai pya da ni
mada rai (အရပ္၀တ္) hte sha ဆိုင္ကယ္လုမွူၿဖစ္လို ့ nga jahpai nna shana
lam kaw lai ai Jinghpaw ma ni hpe hpa nsan njep ai sha sengke hpe mung
duk hte gayet jahkring nna masha hpe mung majoi joi htawng re hkawm nga
ma ai lam shiga na chye lu ai. Shatapru manap gat kaw shana maga hpaw ai
shan ju seng kaw dung nga ai Jinghpaw ramma ni hpe mung yawng hpe rim
mu nga nna jahkrit shama sa shagyeng lai wa sai lam na chye lu ai. Bai
August (29) ya shana mung Shatapru lawk (4) masha si nta kaw na wa ai
ramma ni hpe mung sengke she tat da hkra re majoi joi gayet shachyut
dat ma ai lam na chye lu ai. Myitkyina dakkasu jawng shawng hkan shana
Jinghpaw ramma ni marai langai, lahkawng sha lai hkawm yang
(ဆိုင္ကယ္လုမွုၿဖစ္တယ္ မင္းတို႕ကိုမသင္ကာဘူး) nga tsun na majoi joi lam
ntsa jahkrit shagyeng hkawm ma ai lam, Myen pyada ni dai hku galaw hkawm
ai hta Shatapru mare salang ni n lawm ai sha, shanhte chyu bam la
nna Jinghpaw kasha ni hpe da sang jahte tam hkawm ai re lam buga masha
ni kawn na chye lu ai.
Kyat Exchange Rate
No comments:
Post a Comment