DUNG (3) NI PADANG DIP (JP kasa)

Wunpawng Mungdan Shanglawt Asuya Dap Ba (5) Ginra rai nga ai Lai Hpawng Post hte Hkara Lapran de lung wa ai myen hpyen asuya a hpyen hpung hk-l-y  (260) hte tatma (88) npu na (103) dap ni hpe August (27) kawn September (1) ya shani du hkra KIA Dap Dung (3) na myu tsaw share ninghkring ni hkap gap gasat lai wa sai lam shiga na chye lu ai. N dai zawn (6) ya laman KIA hte myen hpyen ni gasat ai majan hta myen hpyen maga na Du Jum (1), Lat Du (1), gyi hte hpyen ma yawng (20) hkrat sum wa sai lam na chye lu ai. KIA myu tsaw share ninghkring ni Padang dip la ai hta myen ni a MA1 sinat kaba lau (1), MA1 pala kawk (7), MA pala box (1), MA1 pala din (541), G-7.62 pala din (180), EY si (1), 79MM si (1), ta bawm (2), 60MM si (4), kabye bawm (1) ni hpe lu zing la lai wa sai lam mung na chye lu ai.
Myen hpyen ni kaw na lu zing la ai hta myen hpyen ni kawn Mung shawa ni a mare, dum nta hkan na mya la ai a rung a rai ni, ka awng ni, di mala zun ni, bu hpun palawng, sut, num ma ni a shakya rai hkum sum hpa, jak rung jak rai ni hte dut sha na matu masit majaw tawn da ai num ni a kara ni du hkra gun hkawm ai ni hpe mung lu zing la lai wa sai lam mutut na chye lu ai.

Myen hpyen ni kaw na zing la lu ai rai a kik a kawk ni