JINGHPAW DU SALANG NI HTA BYIN LAI WA AI MUNG MASA LAM

Myen mung Shanglawt rai n lu yang, 1946 hta Jinghpaw Wunpawng Du Salang ni hta teng sha byin lai wa ai mung masa lam ni.

N dai lam hpe hpu nau n kau mi tsun dan mi nga lajin ai majaw, dang ai made tang madun ai re. Laiwa sai 1946 ning August (15) ya hta, Myitkyina Manhkring mare, lawu tsang jawng wang e, Jinghpaw Mung Myitkyina, Manmaw, Sinli na Du (100) hpe Mr. Stevenson hte Mr. North wa Myen hte rau Shanglawt hkum la, la jang Jinghpaw ni hpe dip sha na lam tsun ngut ai hpang, 1946 November (15-18) ya hta Myitkyina, Manmaw, Mungmyit Sinli na Du Salang (2,000) daram Wunpawng Jinghpaw ni mung myen mung Shanglawt a lam hta gara hku shang lawm na matu, Myitkyina Shatapru Manau pa e du zup ma ai. Bai nna, mung masha (5,000) jan lawm ai padang manau mung ka manau masai.                             by;jinghpawkasa