Nalung majan hta KIA hpyenla 2 hpe zingri sat

Post 19 May 2012

Last Updated on 20 May 2012

By KNG

May 17, ndai bat Mali Ya shani Myitkyina-Manmaw lam Na Lung kaw byin ai gasat poi hte Myen asuya dap gaw KIA hpyenla lahkawng hpe zingri sat kau sai re.

Rim hkrum ai KIA hpyenla yan hpe “baw ga-ang hkup ga nna bawnu shaw la kau ai hte shinglet gang shaw ai hte zingri sat tawn ai" hpe moimang hta sakse mu lu ai lam, shawnglam KIA shiga tsun ai.

Lani mi daram, Myitkyina P.L.N daju Hk.L.Y 29 hte Mu Mik daju Hk.M.Y 348 hte byin ai majan hta kaga KIA hpyenla langai mung ningma sawng hkala hkrum nna Laiza tsirung kaw n nga mat ai lam, KIA ni tsun shateng ai.

Maga mi de Myen asuya dap de mung hpyenla 10 jan hkrat sum ai lam, KIA ni hpe lakap let chye lu ai.

Myen hpyendap gaw lu rim ai KIA hpyenla shagu hpe sat kau ai (zingri sat ai) lam galaw nga tim, KIA gaw "mungkan hpyen bawng tara" hpe hkan shatup ai majaw, "bawng hpe n sat ai sha, dat ya ai lam" galaw nga ai re.