အစတော့ ဘယ်ကိုသွားတယ်ဆိုတာလည်း မသိရဘူး။ နောက်ပိုင်းကျတော့ ကျွန်တော့ကို စစ်တပ်ထဲ ခေါ်သွင်းတာဖြစ်တယ်ဆိုပြီး စိတ်ထဲက မသကာင်္ဖြစ်လာတယ်။ အမှန်တကယ်… နောက်ဆုံးကျတော့ ကျွန်တော် ရွှေဘိုစစ်သားစုဆောင်းရေးတပ်ရင်း (၄) ကို ရောက်သွားတယ်။ ၂၀၁၁ ခုနှစ် (၅) လပိုင်းလောက်က ဖြစ်တယ်။ အဲဒီစုဆောင်းရေးတပ်စခန်းမှာ (၂)လ လောက်နေပြီးတော့ ပင်လောင်းလေ့ကျင့်ရေး (၄)၊ အပတ်စဉ် (၁၂၁/၂၀၁၁) မှာ (၄)လခွဲ သင်တန်းတက်ခဲ့ရတယ်။ သင်တန်းဆင်းပြီး အဲဒီသင်တန်းကျောင်းထဲမှာ (၂၀)ရက်လောက်ဆက်နေရတယ်။ နေ့တိုင်း သင်တန်းကျောင်းဝင်းမှာ ပက်တိပ်လုပ်ရတယ်။ သင်တန်း ဆရာတွေရဲ့ မိသားစုလုပ်ငန်းကအစ အားလုံးလုပ်ပေးခဲ့ရတယ်။
၂၀၁၂ ခုနှစ် (၁) လပိုင်း (၁၅)ရက်မှာ ကချင်ပြည်နယ်၊ မိုးကောင်းတပ် ခမရ (၃၈၁)ကို ရောက်တယ်။ ရောက်ရောက်ချင်း ရထားလမ်းလုံခြုံရေးသွားရတယ်။ (၂)လပိုင်း (၂၀)ရက်နေ့မှာ ရထားလမ်း လုံခြုံရေးကနေ ပြန်ခေါ်ပြီး မြစ်ကြီးနားမြို့မှာရှိတဲ့ ခလရ (၂၁) ကို ပို့တယ်။ နောက်တစ်နေ့မှာတော့ ကျွန်တော်အပါ စစ်သား (၁၀၃)ယောက်ကို ရဟတ်ယဉ်အကြီးနဲ့ တစ်ခါတည်းခေါ်သွားတယ်။ ရဟတ်ယဉ်ပေါ်မှာ လူနဲ့လက်နက်ဘဲပါတယ်။ ကျောပိုးအိတ်ကိုတော့ အခြားရဟတ်ယဉ်ငယ် တစ်စဉ်းမှာတင်ရတယ်။ ရဟတ်ယဉ်ကြီးဆိုပေမဲ့ ကျွန်တော်တို့ လူ(၁၀၃)ယောက်ဆိုတော့ မလှုပ်နိုင်အောင် ပြွတ်သိပ်ပြီး ထိုင်ရတယ်။ အဲဒီလေယဉ်နဲ့ နမ်ငှေါလေယဉ်ကွင်းကို ရောက်ခဲ့တယ်။ အဲဒီကိုရောက်တာနဲ့ ကင်းစောင့်ရတယ်၊ ရေခပ်၊ ထမင်းချက်၊ အကုန်လုပ်ရတယ်။ ကျွန်တော်ရဲ့ ဗိုလ်ကြီးxxxxx အတွက် ထမင်းဟင်းကို ချက်ပေးရတယ်။ ဒါပေမဲ့အဲဒီ ဗိုလ်ကြီးဟာ အပြစ်မရှိ အပြစ်ရှာကြိမ်းမောင်းတယ်။ ရိုက်တယ်၊ အနိုင်ကျင့်တယ်။ ကျွန်တော်ထက် လုပ်သက်ကြီးတဲ့ ဆရာတွေအတွက်လည်း ခိုင်းတာအကုန်လုပ်ပေးရတယ်။ အဲဒီမှာ (၂)လကျော် အောင့်အီးခံပြီး နေခဲ့ရတယ်။ နောက်ဆုံးကျတော့ မခံနိုင်တော့ဘဲ၊ ဘာပဲဖြစ်ဖြစ်ဆိုပြီးတော့ ရေခပ်သွားရင်းနဲ့ ထွက်ပြေးခဲ့တယ်။
ဘယ်ကိုသွားရမယ်ဆိုတာ် မသိဘူး၊ ဒါပေမဲ့ ဗန်းမော်မြို့ကိုသွားတဲ့လမ်းရှိတယ် ဆိုတာကြားဘူးတာနဲ့ ဗန်းမော်မြို့ကို ရောက်အောင်သွားမယ်၊ အဲဒီမှာ ကြုံရာ ကျပန်းအလုပ်လုပ်ပြီး အိမ်ပြန်မယ် ဆိုပြီးထွက်လာခဲ့တယ်။ (၅)လပိုင်း (၁၀)ရက်နေ့မှာပါ။ ညမှာတော့ ရှမ်းဘုန်းကြီးကျောင်း တကျောင်းမှာအိပ်တယ်။ နောက်တနေ့ ဆက်ထွက်လာတဲ့အခါ KIA ရဲဘော်တစ်ယောက်က ဆိုင်ကယ်နဲ့လိုက်လာပြီး လာဖမ်းခေါ်သွားတယ်။ KIA ရှေ့တန်းစခန်းမှာ(၃)ရက်နေပြီးမှ နောက်တန်းကို ပြန်ပို့ခံရတယ်။ KIA ကို အဲဒီအချိန်မှာစမြင်ဘူးတယ်။ ကျွန်တော်တို့ကြားသိထားတာကတော့ “KIA နဲ့တွေ့ပြီးမှာတော့ သေပြီသာမှတ်” ဆိုတဲ့ရဲဘော်အချင်းချင်းစကားကိုဘဲ သိတယ်။ ဒါပေမဲ့ အစမှာတော့ ကျွန်တော့ကို သတိနဲ့စောင့်ကြည့်ကြတယ်။ တကယ်ဘဲ တပ်ကထွက်ပြေးလာတယ် ဆိုတာ သိသွားကြတဲ့အခါ သူတို့စားသလို ကျွန်တော့ကို ကျွေးတယ်၊ KIA ရဲဘော်တစ်ယောက်က သူရဲ့အပေါ်အင်္ကျီကိုပေးဝတ်တယ်။
ကျွန်တော့စစ်သားလုပ်သက်က (၄)လ ကျော်ပါ၊ လခ တစ်ခါမှ မရဘူး၊ တခြားရဲဘော်တွေပြောတော့ လေးသောင်းကျော်ရတယ်လို့သိရတယ်။ တိုက်ပွဲ တစ်ခါမှ မသွားရဘူး။ အထက်လူကြီးတွေရဲ့ နှိပ်စက်မှုကို မခံနိုင်ဘူး၊ တိုက်ပွဲမ၀င်ချင်ဘူး ကြောက်တယ်။ ကျွန်တော့ဆန္ဒမပါဘဲ တပ်ထဲ အတင်းဆွဲသွင်းခံရတယ်။ ဒါကြောင့် ဘာဖြစ်ဖြစ်ဆိုပြီး ထွက်ပြေးတာပါ။ အခုလိုအသက်ရှင်မယ် ဆိုတာကအမှန်တကယ်ပဲ မမျှော်မှန်းရဲခဲ့ဘူး။ သေရင်သေ၊ မသေရင် ခြေပြတ်၊ လက်ပြတ်ဖြစ်မယ်လို့ ထင်မှတ်ခဲ့တယ်။ ဖြစ်နိုင်ရင်ရွာကိုဘဲ ပြန်ချင်တယ်၊ အမေကိုသတိရတယ်၊ ကျွန်တော်မတရား တပ်ထဲအသွင်းခံရတာပါ။ ကျွန်တော့အသက် (၁၉)နှစ်ပါ။
(ခမရ (၃၈၁)တပ်ရင်းမှာ တပ်သားဟောင်းဇော်ထွန်း၏ ပြောဆိုချက်ဖြစ်သည်။ ၄င်း၏အမည်ရင်းကို ပြောင်းသုံးထားပါသည်။ ယခု KIA နောက်တန်းစခန်းတွင် ကျန်းမာလျက်ရှိသည်။ ရွာပြန်စရိတ်ရရန် ထရံရက်အလုပ်တွင် လုပ်ကိုင်နေသည်။ အချိန်တန်လျှင် အမေ့ရင်ခွင်ထဲအရောက်ပြန်မည်ဟု ပြောဆိုသော တပ်သားဟောင်း ဇော်ထွန်း၏ ဘ၀တစေ့တစောင်း ဖြစ်ရပ်မှန်ဖြစ်သည်။ ဇော်ထွန်းကဲ့သို့ စစ်တပ်ထဲသို့ ဆွဲသွင်းခံရပြီး တပ်မတော်တွင် ကျေးကျွန်သဖွယ် အနိုင်ကျင့်ခံနေရသော ရဲဘော်များ မည်မျှရှိနေဦးမည် မသိပါ။)
Kyat Exchange Rate
No comments:
Post a Comment