MIWA ASUYA SHI TSUN AI GA SHI N HKAN

MIWA ASUYA SHI TSUN AI GA SHI N HKAN

May (17) bat Mali

Tsaw ra ai Nu Wa ni e... Miwa asuya gaw laiwa sai shaning law law hta UN Mungkan Rapdaw zuphpawng shagu hta "masha wa a mungdan kata byin ai dinhku mahkang lam, dinghku majan hta kadai mung nshang lawm, nshang chyinglau nsa shuk ya ga" nga nna ja ja tsun ninghkap nga ai re, dai hte maren laiwa sai shaning na Libya manghkang hta mung, ya na Syria mamnghkang hta mung Iran manghkang hta mung ndai zawn sha tsun shaga lai wa ai re. Rai tim ya Miwa gaw shi nan she dai tara hpe adan aleng gwi gwi tawt lai taw nga sai hku re, mani May (16) ya shani Jinghpaw mung Kampaiti makau lamu ga jarik shadaw (6) hte (7) lapran hta Miwa gaw myen asuya dap ni hpe shalai bang dat nna KIA hpe shingdu maga hku shang gasat ai hta garum ya ai hku re. Miwa hpyen palawng hpun ai myen hpyenla ni hpe Miwa ga Shwili hku nna Htin Chung de htaw sa nna KIA hpe gasat shangun lai lam gaw masu nmai ai sakse rai sai.

Karai Kasang chyeju a majaw tinang KIA dap ni gaw Miwa hkran maga de sinat hpai hka shayawng nna htim shang wa ai myen asuya dap ni hpe ninghkap gasat ai hta myen asuya dap ni manu mana hkra machyi ai hte arum ara rai hkrat sum mat ai lam na chye lu ai. Ya yang Miwa hkran maga de myen asuya hpyen si mang tsa lam garai taw nga ai hpe Yunan ginjaw Uphkang rung na Miwa salang ni myi chyaw sa mu la sai majaw ndai zawn Miwa asuya a nsan seng ai myit masa hpe ningdang nmai laja lana gaya hkrum taw nga sai re.

Ndai zawn Miwa gaw masha wa a dinghku majan manghkang hta tatut brang lang shang lawm shang shanut taw nga ai gaw shi tsun ai ga hte grai wa nhtan shai taw nga sai re. Dai majaw Mungkan mungdan shagu de nga ai Myu Wunpawng shan ni hku nna ndai Miwa asuya a tara tawt lai ai lam ni hpe UN de mung Miwa sumtsan rung hkan mung ja ja ninghkap sa wa saga ngu saw lajin dat ai rai.

Laiza brang

တရုတ္အစုိးရသည္ ကမာၻ႔အလည္တြင္ သူတစ္ပါးႏုိင္ငံ၏ ျပည္တြင္းေရးကုိ ၀င္ေရာက္မစြက္ဖက္ရန္  အာေဘာင္အာရင္းသန္သန္ ေျပာဆုိခဲ့ေသာ္လည္း တရုတ္အစုိးရကုိယ္တုိင္က ျမန္မာျပည္၏ ျပည္တြင္းေရး ကိစၥတြင္ စနစ္တက် ၀င္ေရာက္စြက္ဖက္ေနေၾကာင္း၊ ေမလ (၁၆) ရက္ေန႔တြင္ ကခ်င္ျပည္နယ္ ေကအုိင္အုိ အစုိးရနယ္ေျမျဖစ္ေသာ ကန္ပုိင္တီ နယ္စပ္မွတ္တုိင္ (၆) ႏွင့္ (၇) ၾကားသုိ႔ ဗမာစစ္တပ္မ်ားကုိ တရုတ္ျပည္ ေရႊလီ၊ ထိန္ခ်ဳန္း ဘက္မွ ျဖတ္ေက်ာ္ပုိ႔ေဆာင္ေပးခဲ့ပါသည္။ ေကအုိင္ေအ မ်ိဳးခ်စ္ရဲေဘာ္မ်ားႏွင့္ ဗမာအစုိးရစစ္တပ္တုိ႔ၾကား တရုတ္ျပည္နယ္စပ္ ကန္ပုိင္တီတြင္ တုိက္ပြဲျဖစ္ပြားရာ တရုတ္ျပည္ဘက္ျခမ္းတြ ဗမာအစုိးရ စစ္သားမ်ား အမ်ားအျပားေသဆံုးခဲ့ေၾကာင္းႏွင့္ တရုတ္ပုိင္နက္နယ္ေျမ ဘက္ျခမ္း ဗမာစစ္သားအမ်ားအျပားေသဆံုးေနမွဳကုိ တရုတ္ျပည္ ယူနန္ျပည္နယ္ အုပ္ခ်ဳပ္ေရးရုံမွ တရုတ္လူၾကီးမ်ား မ်က္ျမင္ကုိယ္ေတြ႕လာျမင္ေတြ႕သြားေသာေၾကာင့္ အရွက္ကြဲေနရပါသည္။