GALOI DU MASU NA (II)

Ahkyak hta pau si di, U lu mahka hpungkun daw n'byin hkra ya ju yahkyeng mung n'byin u ga matu ngang lu hta hpa ra byin hkra myen  a byin lai wa sai lagaw hkang hte annau ni a kabye lai wa sai lagaw hkang ni hpe azin ayan ja ja li li lagaw hkang bai hta nna, shawng lam mung masa, hpyen masa lahkam hpe jaw jaw htawt lahkam sa ra saga ai.

1948 -Jan- 4 ya shani gaw Dr. U Ba Oo gaw munghpawng myen mung a shawng ningnan Gum san magam byin wa sai. De hpang sam Slg. Soa Shwe Theik, hpang kayin Slg. Mann Win Maung, de hpang annau ni kaji kawa Sama Duwa Sinwa Naw gaw masum ya sha hkam ai labau shang myen mung a gumsan magam tai wa sai re. Shanglawt grai n'la shi ai kaw nna English, Japan hpe n'hti n'htang masu gayin lai wa sai zawn shanglawt lu sai hte rau Aung San hte hpung ni gaw sat hkrum sai, de hpang communist hpung hpe [Takhyin Than Thun] woi aun nna gumlang hpang wa sai, de hpang kayin hpunau ni, dai hpang annau ni a mungkan gum hkawng ai Jinghpaw ni a hpyen jaubu hkaw hkam Du kaba Naw Seng myen mung ka-ang hkup zing madu la kau hkra bai gumlang lai wa sai re. Shanglawt ningnan la hpang ai kaw na n'sun n'ang, n kaja ai hku dawdan masu ai masa a jaw kaja ai hkaw hkam gum san tai sha na myit jasat marai n'nga ai majaw myen mung kata laknak hpai ai hpyen law dik mungdan byin wa sai re. 1948-1949 ning lapran mungdan kata n ru nra kasu kabrawng byin ai grai law wa ai majaw hkring mang daju U Nu gaw myen mung a daru aya hpe Ni Win wa hpe gang ap ai re.by;jinghpawkasa