Social Icons

Friday, August 15, 2014

Jahtuk sha n jo ai simai nkau 几种错误的食物搭配 致使食物失去营养价



  1. Gaubong hte nohpu hpro (Dufu) gayau
  Nohpu hpro ko na gai hte gaubong ko na zhauson go, jom gahkyin hkat jang nsam hpro ai htung rong rai__Zhauson-gai byin tai mat sai majo, masha hkum hkrang gai jashon la na hpe shayak kau sai.
  2. Hpa-lap hte udi shadu
  Hpa-lap ko hpa-lap hkup rong ai hta lai nna, ruson rai jahkai mung no rong ai, arai ndai ni go udi ko na hpri hte jom gahkyin hkat jang, shat kan hpe gasheng hkra wa chye ai hta n-ga, rin mani jashon la na matu mung shayak kau sai.
  3. Udi gangau ko sishum bang
  Udi hta go sishum hte bung ai guanson lo lo rong ai, dai majo udi gangau ai shaloi sishum bang sa yi nga jang, gaga lai rai n mu wa lu ai hta n-ga, ami na mu bat pyi mat mat sai.
  4. Hkranghkyi pot hte hulobu hkranghkyi gayau shadu sha
  Hkrang hkyi pot ko go wuisinsu C lo lo rong ai, rai yang hulobu hkranghkyi ko rong ai mui go, hkranghkyi pot ko na wuisinsu C hpe jahten kau ya chye nga ai. Hkranghkyi pot hte hulobu hkranghkyi hpe galang ta gayau shadu sha sa yi nga jang, hkranghkyi pot ko na wuisinsu C ma hkra jahten kau hkrum sai. Dai hta n-ga, gaga wusinsu C rong ai simai ni hte gayau shadu sha yang mung, hulobu hkranghkyi go dai wuisinsu C hpe jahten kau ya chyalu sha re. Bai nna saga si, kahkum si re hta mung hulobu hkranghkyi ko na zon re mui rong shajang ai.
  5. Panglai sha hpa hte namsi galang ta sha
  Panglai sha hpa ko na nga, hkatsu, panglai makrat re hta, danbeji hte gai re lu sha dat n-gun lo lo rong ai, lama ruson rong ai namsi hte gayau sha jang go, danbeji a lusha dat n-gun shagrit shayom kau ya sai, dai hta n-ga panglai sha hpa ko na gai hte ruson jom hkrum jang rin mani la yak ai arai byin tai wa chye ai, arai ndai go shat kan gasheng hkra ya nna n nga ngon wa nhtom, masha hpe kan machyi, madon, kro galau re masa shapro dat ya chye nga ai. Roson grau lo rong ai namsi go sabyin si gaba, sabyi si, hkainu si, makok si re ni re. Dai majo namsi ndai ni hpe panglai sha hpa hte galang ta n mai sha ai, hkying hkum lahkong din ai hpang she mai sha ai.
  6. Nga chyu hte makchyok si
  Nga chyu sha no lu ngut yang makchyok si bai sha dat sa yi nga jang, nga chyu ko na danbeji go makchyok si ko na si hkri, wuisinsu C hte shong hkrum hkat nna atong rai ge rong mat nna, rin mani jashon la yak mat sai, dai hta lai nna masha hpe kan chyabung, kan machyi, kan mase mung no rai wa shangun nga ai.
  7. Chyaru hte hulobu hkranghkyi galang ta sha
  Laksan ninghkring ni shadum jahprang dat ai: Chyaru hte hulobu hkranghkyi hpe galang ta sha yang grai hprit hpa re. Mahtang hulobu hkranghkyi ko na Bhulobu su hte chyaru machyan galang ta masha hkum hkrang gata de shang wa jang, sinko ningtuk rai wa byin tai mat nna, sin ana ok wa chye ai. Grau nna go hulobu hkranghkyi ntsin lu ngut ai hpang njang chyaru n mai lu ai.
  8. Shan sha ai shaloi hpa-lap lu
  Masha nkau go shan, hkatsu chyahkan re danbeji tso ai sha hpa sha ai hpang gade n na yang, hpa-lap bai lu dat rai ma ai, shanhte go dai hpe shat rin garum ai hku myit la ma ai. Hkrak tsun ga nga jang, hpa-lap ko na ruson sumpum sumpam hte danbeji jom hkrum gahkyin jang, gang ginchyup rai roson danmunji byin tai wa nna, pu shamu ai lanyan kau shangun sai, shing rai jang hkyi maza go pu ko rong na nga nna, kan sa yak mat sai hte rau, ningtuk rai hte ginsa ana shabyin rai hpe masha hkum hkrang de jashon la na ginjang mung lo wa sai.

No comments:

Post a Comment

shakram ga...

Myushadan blog de sa du ngun jaw la ai majaw grai chyeju kaba sai law .