HKA LI SANG HPAW GUP MAT AI A MATUT MANOI SHI GA

RFA News, july shata 20 ya shani tarping hka hta lup lim mat ai myaminaung(1) sang hpaw hpe sai lu na matu dai ni du hkra shakut nga ding yang rai nga ma ai .ya hpang jahtum na ai shi ga hta gaw manmaw dakkasu BUMI major dap kaw na asak 28 ning re ai hkrang madun shara langai jawng ma lahkawng /MANSI mare na myushayi ngai yawng hpawn mang 6 hpe lu sai la sai lam shi ga na chye lu ga ai . si hkrum ai ni a mang nkau gaw hka nam maga de nga ai mare SINHKAN ,SHEWI KU,KATAR, maga de yawng mat ai re nga nna bu ga masha ni gaw tsun ma ai .Dai gup mat ai sang hpaw ntsa hta lekmat nlawm ai hte lawm ai buhkawm masha latsa jan hte bilat buk 30 ,sengkel 30 hte namhpun buk ni hpe ladu shalai mara htaw ai majaw gupmat ai re lam chye lu ga ai .jak li gau shara U CHIT TEY gaw manmaw muklum balik dap de shi na shi sa rim hkam lai wa sai lam mung matut chye lu ga ai .