“သင့်ခင်ပွန်းသည်အတွက်နှဖူးမှခြေဖျားအထိဆုတောင်း”

             
                 တစ်ခါတစ်လေ မိမိ အသက်ထက်မက ချစ်ရတဲ့ ခင်ပွန်းသည်အတွက် မှန်ကန်တဲ့ဆုတွေ တောင်းပေးနိုင်ဖို့ အခက်တွေ့ရတာ အိမ်ရှင်မတိုင်းပါပဲ။ ကျန်းမာရေးအတွက်ပဲ ဆုတောင်းပေးရမလိုလို၊ ဟော..ကျန်းမာရေးအတွက်ဆုတောင်းရင်း ဘေးကင်းလုံခြုံဖို့အတွက်လည်း ဆုတောင်းရပြန်ရော… ဗျာများတဲ့ ဆုတောင်းချက်တွေ မဖြစ်ရစေဘဲ ဘုရားသခင်ရှေ့မှ မိမိခင်ပွန်းအတွက် ဆုတောင်းချက်များကို တစ်စုတစ်စည်းတည်း တင်ပြတောင်းလျှောက်နိုင်ဖို့..နောက်ပြီး ကျမ်းချက်အခြေပြု (Scripture Based Prayer) ဆုတောင်းခြင်းကိုလည်း ပြုနိုင်ဖို့ အောက်ပါ ဆုတောင်းလေးကို ဝေမျှလိုက်ရပါတယ်။

အဖဘုရားသခင်သမီးရဲ့ ခင်ပွန်းသည်…………..(ခင်ပွန်းသည်၏နံမည်)အတွက် ခေါင်းမှ ခြေအဆုံးတိုင်အောင် ဆုတောင်းပေးပါ၏။

“သူ့ရဲ့အတွေး” (his mind)- သူ့မှာ သခင်ခရစ်တော်၏အတွေး၊ သခင်ခရစ်တော်၏ စိတ်သဘောထားအတိုင်း ရှိစေတော်မူပြီး ကိုယ်ခန္ဓာအလိုသို့မလိုက်ဘဲ သန့်ရှင်းသောဝိညာဉ်သာလျှင် ဦးဆောင်လမ်းပြဦးဆောင်စေတော်မူပါ။ (၁ကော ၂း၁၆)

“သူ့ရဲ့အမြင်” (his eyes)-  သွေးဆောင်ဖျားယောင်းမှုနှင့် ဒုစရိုက်အပြစ်ပြုလုပ်ခြင်းကို လှည့်မကြည့် မိစေရန် သူ၏ အမြင်အာရုံကို ကွယ်ကာတော်မူပါ။ (မဿဲ ၆း၁၃၊ မာကု ၉း၄၇)

“သူ့ရဲ့အကြားအာရုံ” (his ear)- သခင်ဘုရား ညွှန်ကြားနေသော ဖြည်းညှင်းသည့် အသံများကို ကြားနိုင်သော နားတစ်စုံကို ပေးသနားတော်မူပါ။  ( ၃ရာ ၁၉း၁၂၊ ဆာလံ ၃၂း၈)

“သူ့ရဲ့နှုတ်ထွက်စကား” (his mouth & speech)- သူ့နှုတ်မှထွက်ကျလာသော စကားများသည် သခင့်ကို ချီးမွမ်းနေသော စကားများသာ ဖြစ်စေတော်မူပါ။ (သုတ္တံ ၁၉း၁၄)

“သူ့ရဲ့ပုခုံးတစ်စုံ” (his shoulders)- သခင်ဘုရားသည်အရာအားလုံးကို တတ်စွမ်းနိုင်သည်ကို ယုံကြည်လျက် သူ့ပုခုံတွင်ထမ်းထားရသော ၀န်ထုတ်ဝန်ပိုးနှင့် ပူပင်မှုများကို ကိုယ်တော်ထံသို့ ချထားနိုင်စေရန် မစတော်မူပါ။ (ကမ္ဘာ ၁၈း၁၄၊ ယေရမိ ၃၂း၁၇)

“သူ့နှလုံးသား” (his heart)- သူဟာ သခင်ဘုရားအား စိတ်နှလုံးအကြွင်းမဲ့ ချစ်နိုင်ရန်၊ ယုံကြည်နိုင်ရန် ကောင်းကြီးပေးတော်မူပါ။ (တရား ၆း၅၊ သုတ္တံ ၃း၅)

“သူ့ရဲ့လက်မောင်း” (his arms)- ဘုရားသခင်သည်သူ့ရဲ့ခွန်အား၊ သူ့ရဲ့အစွမ်းသတ္တိ ဖြစ်စေတော်မူပါ။ (ဆာလံ ၇၃း၂၆)

“သူ့ရဲ့လက်တစ်စုံ” (his hand) - သူ့လက်ဖြင့် ကြိုးစားအားထုတ်၍ ရရှိလာသမျှသည်အမှန်စင်စစ် ဘုရားသခင်ထံမှ လာသော ဆုကျေးဇူးဖြစ်ကြောင်းသိစေတော်မူပါ။ (ဒေသနာ ၃း၁၃၊ ၅း၁၉)

“သူ့ရဲ့နံဘေးတစ်ဖက်တစ်ချက်” (his sides) - ဘုရားသခင်ကိုချစ်သော သူငယ်ချင်းများနှင့် သူ့အားဝန်းရံစေပြီး သူ့အား ချီးမြှောက်တတ်သော သူငယ်ချင်းများ သူ့နံဘေးတွင်ရှိစေပါ။ (သုတ္တံ ၂၇း၁၇၊ ၁၂း၂၆)

သူ့ရဲ့ကိလေသာ (his sexuality)-ကိလေသာလွန်ကျုးမှုကိုဖြစ်စေနိုင်သော သွေးဆောင်မှုများမှ ကွယ်ကာ၍သူ့ရဲ့ ကျေနပ်အားရခြင်းများသည် ပေါင်းဖော်သောမယားဖြစ်သူကျွန်ုပ်နှင့်သာ ဖြစ်စေပါ။ ( မဿဲ ၆း၁၃၊ သုတ္တံ ၅း ၁၈-၁၉)

သူ၏ခြေထောက်များ (his legs) - သူသည်အမှန်တရားပေါ်တွင်သာ ရပ်တည်တတ်ဖို့ရန်နှင့် ယုံကြည်ခြင်း၌ မြဲမြံစွာ မရပ်တည်ခြင်းသည်  လဲကျခြင်းအကြောင်းသာ ဖြစ်မည်ကို သဘောပေါက် စေတော်မူပါ။ (ဆာလံ ၆၂း၆၊ ဟေ ၇း၉)

သူ၏ဒူးများ (his knees)- သူသည် ကိုယ်တော်၏ရှေ့မှောက်တော်မှာ ဒူးထောက်နှိမ့်ချခြင်းရှိစေပြီး နှိမ့်ချခြင်းအားဖြင့် ကိုယ်တော်၏ စကားတော်အား နှိမ့်ချစွာလိုက်လျှောက်ခြင်းအားဖြင့်သာ အောင်မြင်မှုများရရှိနိုင်ကြောင်း သိရှိစေမူပါ။ (ယာ ၄း၁၀၊ ယောရှု ၁း၈-၉)

သူ၏ခြေလှမ်းများ (his feet)-  ကိုယ်တော်ညွှန်ပြသောလမ်းကို သိပြီး ကိုယ်တော်၏ လမ်းအတိုင်း လိုက်လျှောက်နိုင်စေရန် ကူမတော်မူပါ။ (ဆာလံ ၂၆း၃၊ သုတ္တံ ၄း၂၅)

သခင်ယေရှုခရစ်၏ နာမတော်မြတ်ကို အမီပြု၍ ဆုတောင်းလျှောက်ပါ၏။ အာမင်။

လုဒိ

Sharon Jyanes ရေးသားသော Praying for your husband from head to toe အား ဆီလျော်အောင် ဘာသာပြန်ဆိုပါသည်။