SI HKRUNG SI HTAN A NPOT NHPANG LAM

Moi shong de Shinggim masha ni hta si ngu ai mi n nga , htan ngu ai mi n pra ma ai. Dai shaloi Jan sha ni chyu sha si hkrung si htan hgu ai nga ma ai. Dai ten hta shinggyim masha ni go Jan sha ni hta mayu dama rai nna na\ga shajang ma ai majo , Jan ga de tsu htat sa sa rai ma ai.
　　Dai ten hta galang gaba langai mi go hpun langai mi hta tsip tsip nna udi mali manga mi di ton u ai. Dai galang di hpe makau e nga ai woi nong hpung langai mi lai wa nna mu ma yang, hta gabai kau ya mu ai. Galang go hkom ai de nna bai wa yu yang shi a di hpe n mu kau u ai rai nna , masin grai pot let: “Ndai ngai sha ni hpe sha kau, jathen kau ai wa go teng teng si u ga lo.” Ngu nna matsa u ai. Dai shaloi hpun langai mi a ntsa e Zahkai langai mi go n dum shami rai nna yup to nga ai hpe Galang e mu u yang: “Ndai wa rai sam ai, ngai sha ni hpe sha kau, jahten kau ai wa go." Ngu nna a chye sat kau u ai.
　　Dade n na yang mare na numsha ni go nam de lahpo htat na nga nna sa wa ma yang, Zahkai mang langai mi to nga ai hpe mu nna, hta gun mat wa mu ai. Dai shaloi la langai mi go: “Anhte Jan ga de tsu htat sa ai nau jin saga ai， Jan sha ni hpe mung lasu she sa su ga.” Ngu u yang shawa masha ni yong myit hkrum nna Jan ga de lasu sa su ma yang Jan sha ni go: "Nanhte shinggyim masha ni hta sumri nu ai mi n nga, sumdam ku ai mi n nga myit go. “Nrai, si saga ai， she sa marit.” Bai ngu ma yang, Jan sha ni go hpun palong mon sumli la nna dinghta ga de tsu htat sa mu ai.
　　Shingrai Jan sha ni go dinghta ga de sa du nna shana tup gabung lahkui sa dum ma ai rai timung, si mang to ai hpe go n mu ma ai . Shaloi Jan sha ni go: “Anhte hpe salang ni e dat nna mana tup kabung lahkui go sa dum saga ai, rai timung, si mang to ai hpe mi go n mu kau da saga ai, Jan ga de du yang hpa bo shiga wa tsun dan na ta? Bai nhtang nna atsom sha she no sa tam yu saga." mgu mu ai . Jan numsha ni go pasi jahkrat shamat kau masu nna bai nhtang sa let shara shagu njut nnaw sa tam ma timung, si mang to ai hpe go n mu ma ai. Shanhte bai nhtang pru wa ma yang npan na htum hku hta e Zahkai mang langai mi ;hpe hku won e magap da ai hpe sha mu ma ai. Shingrai shahte go, "Anhte kaga mang mi n mu ai go, ndai Zahkai si mang to ai lam hpe sha a tsun dan ga" ngu nna Jan ga de bai nhtang wa mu ai.
　　Shanhte Jan ga de abai du wa ma yang, “ Ya nanhte go dinghta ga di kadai wa si ai hpe sa ;mu myit ta?”Ngu nna salang ni san mu yang numsha ni go shanhte mu ai Zahkai mang a lam hpe tsun dan mu ai. Shaloi Jan salang mi go： “Shinggyim masha ndai ni mung si mayu sam masai ya kaw nna go gumgai dingla, punghpro punglo go si manu ga.” Ngu nna shinggyim masha ni asumre hpe dan ya dat mu  ai.
　　Shingrai sumri dan ya ngut ai hpan gShingnyen langai mi ;mung shi a kasha langai mi si nna yon ai the rai let Jan ga de la hkom du pru wu ai . Singnyen go: “ Shinggyim masha ni hpe sumri kaning ngu go dan ya manit ta ?” Ngu san u yang: “ Shinggyim masha ni hta gumgai dingla punghpro punglo go si manu ga, ngu nna dan saga ai.” Ngu htan mu ai. Shaloi Singnyen go:  “E， nrai na re, shut re sai， ndai ngai sha pyi si ai go, kadai mung si mu ga.” Ngu dat u ai . Ndai matsun ga hkan nna dai ni du hkra shinggyim masha ni hta gomai dai nap , gosha dai kap nga sai majo mahkon shbrang, gumgai dingla, punghpro punglo ji n ban si ra nga ai da.
　　Ndai go Jinghpo masha ni tsun hkai ai maumui kaba langai mi rai nga ai hte si hkung si htan a npot nhpang gon ai lam langai mirai nga ai.