Jinghpo Wunpong Myu Sha Ni a Htunghking

　　                                              Moi prat na Jinghpo nta.
　　Anhte a htunghking maka lam ni hpe yu ai shaloi, Anhte Jinghpo Wunpong sha ni yong go, lamu ga ginra katsi kahtet hta hkan nna, bu hpun palong bu hpun ai hkrai rai ga ai. Miwa ga jarit, Shagong bum mayan de na ni yong buhkra bu nna, palong galu hpun ma ai. Dai go katsi ga re majo lum na matu bu hpun ai rai nga ai. Bai Jinghpo mung Gaang hte Sinna maga nga ai ni go bu- hkrong bu nna, palong kadun ni hpun ma ai. Du hkra lado kahtet ai ga re majo rai nga ai. Bu hpun palong da maka ni hpe yu ai shaloi mung, maka hpaji ningpot la- ngai sha rai nga ai, Ri da ai maka mung maren sha rai nga ai.
　　Bai anhte Jinghpo Wunpong myu sha ni yong, hpun hpe krok ai n-gang hpye ai ni hkrai rai nga ai. Nhtu n-gang hpe, mu bungli galo yang hpye ai, bu hkom lam hkom yang hpye ai, ka manot yang mung hpye ai, yup ai ten hta sha ro da ai amyu ni rai ga ai. Dup lang ai nhtu ni hkrang maren sha re. Dai majo nhtu n-gang ni mung hkrang maren sha re.
　　Ka manot ai lai ni hpe yu ai shaloi, Num, La, masha wunong wu wa, ginron, ginru nna, ka manot ai hkrai re. Marai langai lahkong sha ka manot ai htung maka kadai ko mung n nga ai
　　Dai hta anhte myu sha ni a ahkyak dik htunghkring go Mayu Da-ma, kahpu kanau ngu ai ma- hku mahkau lam rai nga ai. Mayu ngu ai go, Num jo Num ya nhtom, hpu ja hta la ai bo hpan rai nga ai. Da-ma ngu ai ni go Num bon Num la nhtom ja hpaga jo ya ai bo hpan rai nga ai. Hpu nau ngu ai hta mung kaji kawa rum ai hpu nau hte Mayu ginra rum ai, Da-ma ginra rum ai Hpunau ngu ai hpan lahkong nga ai, Mayu, Da-ma ginra rum ai majo hpu nau do ai ni hpe go num hpang hpu nau ngu ai re. Bai mayu ngu ai hta mayu ni a mayu, kajum kaji ni mung mayu rai nga ai. Da-ma ni a Da-ma, kashu kahkri ni mung Da-ma ni sha rai ma ai.
　　Mayu Da-ma, kahpu kanau ngu ai wuhpung masum dai ni go anhte Jinghpo Wunpong myu sha ni a matu asuya daram ahkyak ai wuhpung rai nga ai. Wuhpung masum ndai ni anhte amyu sha ni hpe di-kru zon madi shangang da ai rai nga ai. Anhte Jinghpo Wunpong myu sha ni dai ni du hkra kahkyin gumdin nna, nga lu ai go htunghking ndai a majo sha rai nga ai re.