Jinghpo nhpye 景颇族筒帕

　　Aga! Jinghpo nhpye le,
　　Maka ri wom hte sha da ai,
　　Ri chyang majen bang ai re.
　　Singgo maka htap ai,
　　Hkum tum maka kap ai le.
　　Tsom htap la ai nhpye dai go,
　　Htunghking la-hkri rai nga ai yo,
　　Wunpong myu ni a maka hpaji
　　nan rai nga ai lo.
　　Oh... Ndai mungkan pinra hta,
　　Nhpye amyu gade mi lo nga tim,
　　Jinghpo nhpye hpe chyu sha,
　　Mu dat shagu,
　　Marit yan ningtsing sha mi lu,
　　Wunpong myu sha ni a htunghking re ngu,
　　Galoi nhtoi raitim,
　　Malap kau dam n lu nngai oi.
　　Goi... Dai gabrim tsom la ai nhpye
　　shingman hte,
　　Goiwat nga ai matu banzat hpe yu nga
　　ninglen,
　　Hto shagong buga na,
　　Chyinghkai nu tsen ni a dinghkong da
　　dun shanu,
　　Kanu yan maka shagu ai majoi
　　shingran hpe mu,
　　Shagrau gingai atsam marai,
　　Jahpu ging ai maka hpaji ni hpe
　　ngai myit dum lu nngai yo.
　　Bai le... Dai hkye kang tsom ai
　　Jinghpo nhpye hpe,
　　Madin yan hkumba e sha noi ton nna,
　　Nu tung da ai re ngu yu chyai,
　　Moi dim kumhpa ai re ngu marit shamai.
　　Wo sumtsan buga wa mi hkom mat wa tim,
　　Jalam hpyengji sha mi wat rai,
　　Lamun dung ahpong shang tim,
　　Jinghpo ahpye hpe ngai n tat.
　　Aten ahkying shagu,
　　Wunpong amyu rai nngai ngu,
　　Shawang yan amyit hta dum lu.
　　Oh……Nhpye,
　　Gabrim tsom ai Jinghpo nhpye,