NUM SA HPYI AI LAMANG

　　Jinghpo Wunpong Amyu ni a Numbon Numla lam hpe sok sagon wa yu ai shaloi, buga hte buga loili shai hkat ai hpe mu mada ai. Ndai laika buk hta, madung go Shadan ga na htung lai hpe tsun ai re. Moi na Jinghpo Htung nan hkrak rai nga ai. Ya ndai ko bai tsun ai go, Nhkum krung hte Htaihpyin buga hta ya ten galo nga ai htunghking re.
　　Shong nnan e Numsha langai hpe yu tso yu ra sai nga jang dai La sha a Kanu Kawa, shing nrai gahpu ganau ang ai ni marai langai lahkong, dai Num sha nga ai mare de sa nna, Chye ai masha langai ngai hte matut mahkai la nna, mayu nta de Num san ai ngu, gumhpro kumhpa gaji gajo lang nna ga sa jahkrup ai sha re. Dai Num sha kadai hte ganing ngu da ai lam n nga kun, kanu kawa ni hku nna myit hkrum ai kun, Htunghking masa tam wa yang kadai ko jang htung na kun ngu ai lam sa jahkrup yu ai hpe Num san Num yu ai nga ma ai.
　　Num sa hpyi ai shaloi Mali lang bat ra ai lam:-

　　1. Ningsing Ka Shon Ai
　　Ndai ningsin ka shon ai shaloi marai mali (4) sa ra ai. Langai go gasa wa, lahkong go kanoi wa, masum go ja ka gun ai wa, mali go Janghtung wa rai nga ai. Da-ma nta ko nna marai masum sa wa, mayu mare ko Janghtung wa hte marai mali (4) rai nga ai. Ndai ningsin ka hta lom ai go:- Yu Nga mayon mi, Ja nba lahkong (Htung ai hte magap ai). Sagu panyep hte nhka kin-yang a matu gumhpro lap hkun, ningsin bautong a matu gumhpro lahkong tsa (200.00) re.

　　2. Shanam Htu Ai Lam
　　Mayu ni num jo ya sai, Num sha mung hkro sai nga jang shanam htu ai re. Shanam htu na rai yang, Da-ma ni shanam htu Ja ngu nna Gumhpro matsat tsa (800.00) shing nrai ahkying mi (1000.00) hte shanam htu ai re. Num sha hpe mung, mahtan ja, shalan ja ngu nna, mai byin ai daram jo da ra ai. Hpu Ja hpe mung galang ta tsun shakre kau ra ai. Shingrai kaihtum nnan do la nna, Janghtung wa shaman ya ai hte Shanam htu hpang wa ai re. Dai ningsin ka hta lom ai Yu Nga hpe shanam hte htu ai re. Shingrai   da-ma ni wa mat na shaloi, Ri nhtu shabon ya dat ma ai. Ndai lamang hpe Num sa hpyi ai lamang hte gumhpon kau tim mai ai.

　　3. Ninghtoi Din Ai Hte Hpu Ja Sa Ya Ai
　　Ndai lamang hta shong e tsun da ai hpu ja hpe ma-hkra wa nrai tim, nkau mi shadu shatup ra sai. Shingrai hkungran nhtoi galoi galo na jom jahkrup ai hpe nhtoi din ai nga ma ai. Hpu ja kade no shatup ra na. Numhpron ai shaloi hpa bo gun na, gara ten hta du na, gara ten sharot dat ya na ngu ai lam hpe jom jahkrup ai re.

　　4. Num Hpron Sa Ai Lam
　　Ndai num hpron sa ai shaloi go shong na marai mali hta hpo-mi lahkong bai jat ai. Yong hpon marai kru (6) sa ai re. Hpo-mi yan go, mayu nta na nbo lit hte janghtung nta na nbo lit hpe gun ai re. Mayu nta na matu nbo n-gu kyin sumshi (30), Udi krushi (60), wa langai mi (1), dai ko malut, hpa lap, jumdui, nga chyu, shata pan, htang makai, namsi ntsin, tsa chyaru ni hpe yong shagup nna hkrai bang gun ai re. Janghtung nta na matu, Nbo n-gu kyin shi (10), Udi hkum hkun (20), wa shan joi mi (1) , dai ko kaga kumhpa ni mung maren shagup nna bang ai re. Ndai go ya ten hta galo nga ai Num hpron lamang rai nga ai.

Ninghtoi Din Ai Hte Hpu Ja Sa Ya Ai
　　Ndai lamang hta shong e tsun da ai hpu ja hpe ma-hkra wa nrai tim, nkau mi shadu shatup ra sai. Shingrai hkungran nhtoi galoi galo na jom jahkrup ai hpe nhtoi din ai nga ma ai. Hpu ja kade no shatup ra na. Numhpron ai shaloi hpa bo gun na, gara ten hta du na, gara ten sharot dat ya na ngu ai lam hpe jom jahkrup ai re.
　　Num Hpron Sa Ai Lam
　　Ndai num hpron sa ai shaloi go shong na marai mali hta hpo-mi lahkong bai jat ai. Yong hpon marai kru (6) sa ai re. Hpo-mi yan go, mayu nta na nbo lit hte janghtung nta na nbo lit hpe gun ai re. Mayu nta na matu nbo n-gu kyin sumshi (30), Udi krushi (60), wa langai mi (1), dai ko malut, hpa lap, jumdui, nga chyu, shata pan, htang makai, namsi ntsin, tsa chyaru ni hpe yong shagup nna hkrai bang gun ai re. Janghtung nta na matu, Nbo n-gu kyin shi (10), Udi hkum hkun (20), wa shan joi mi (1) , dai ko kaga kumhpa ni mung maren shagup nna bang ai re. Ndai go ya ten hta galo nga ai Num hpron lamang rai nga ai.