WASHINGTON DC KAW N GUN MADUN NINGHKAP

Jan 12 ya shani USA Mungdan hta du nga ai Myu Sha ni kawn Washington DC hta e Jinghpaw, Hkang, Sam, Kayin, Rahkine, hte Myen hpu nau ni yawng n gun (500) hkawt Amerikan Maigan Matut Mahkai (State Department) shawng hte Mungdan Gum San Magam Obama a nta (White House) shawng e ngun madun lai wa sai lam hpe na chye lu ai. (12:00PM) kaw nna (2:00PM) du hkra Maigan Matut Mahkai Rung shawng kaw rai nna (2:30PM - 4:30PM) du hkra Obama a nta shawng kaw ra shawrawng ai lam ni hpe masha n-gun hte tang madun wa sai lam na chye lu ai. State Department kaw nna White house de lagaw lam hkawm sa nna Washington mare masha ni hte sa gawan du nga ai Maigan masha (tourist) ni hpe “STOP Crime against Humanity in Burma” flyer ni hpe gam garan hkawm lai wa sai lam hpe chye lu ai. Lam hkawm ai aten hta e “Peace, Justice, and Equality for Kachin in Burma” ngu ai poster kaba hpe mung gran di nna hkawm lai wa sai lam, White House shawng kaw na Pennsylvania Avenue n-tsa mung (3) lang daram masha n-gun (500) daram hte lung dat yu dat rai nna chying, bau, htawng hte hpawn ra sharawng tang madun mayu ai lam ni hpe jahtau marawn lam chye lu ai. N gun madun hpyi shawn lai wa ai lam ni gaw-

Reestablish sanctions against the Burmese gov-ernment for atrocities against minorities.
Bawsang ni hpe shamyit masing galaw nga ai majaw Myen Asuya hpe hpaga lam pat shingdang ai lam hpe kalang bai hpang ging ai.

 Condemn the Burmese government for system-atic targeting of unarmed civilians.
Myen Asuya mara n-nga/laknak n-lang ai mung shawa ni hpe shingte sat zingri ai hpe ninghkap ya rit.

 Demand the Burmese government to open Aid to ALL victims on both sides.
Hpyen yen tsim yam ni hpe Maigan de na jaw ai garum ningtum lam ni hpe myen asuya kawn pat shingdang ai lam n-galaw na matu lajin ya marit.

 Urge Burmese Army to support peace initiative
Myen Hpyen Dap hpe simsa lam shakut nga ai mahkyen ni hpe madi shadaw na matu hpyi shawn ya rit.

 Encourage all stakeholders including China to converge on a genuine dialogue.
Mung masa Sut Masa hte Amyu masa arang madu rai nga ai ni yawng man hkrum gamung dup nna jet ai mahtai paw pru wa na matu yawng hpe n-gun jaw ya marit.

(share by Jp kasa)