Jinghpaw mung hte Miwa mung jarit hpyen yen Jawngma ni lung nga ai lahta tsang jawng ni hta tsang (10) madang sharin ya lu ai Sara ra ahkyak nga ai lam chye lu ai.
Laiza grup yin, mare kahtawng na hpyen yen jawngma ni Laiza Muklum na lawu tsan...g jawng,lapran tsang jawng ,hte lahta tsang jawng ni hta hpaji sharin nga sai lam chye lu ai.
Tsang shi madang hpe sharin ya lu ai Sara nlaw ai.Tsang (10) jawngma (150) nga ai kaw sharin Sara marai (7) sha nga ai lam Laiza lahta tsang jawng up kawn chye lu ai.
Laiza lahta tsang jawng hta tsang shi jawngma ni hpe class (3) garan nna, English, Math, Physic, History, Eco hte Myen laika ni sharin ya ai lam chye lu ai. English hte Math subject sharin ai hta grau ning ra nga ai lam matut chye lu ai.
Laiza lahta tsang jawng hta Jawngma grai law ai majaw jahpawt hte shana daw lahkawng sharin ai lam chye lu ai.
Tsang (1) kawn tsang ( 5) ni hpe Jahpawt daw hking 07:00 a.m kawn hking 11:00 a.m du hkra masat sharin nna, hking 12:30 p.m kawn hking 5:25 p.m du hkra tsang (6) kawn tsang (10) ni hpe sharin ai lam chye lu ai.
KIO -Up hkang ginra hta lahta tsang jawng (5) nga ai hta Laiza lahta tsang jawng,Mai Ja Yang lahta tsang jawng, Awng Lawt lahta tsang jawng, N-gum la lahta tsang jawng hte Loi Kang lahta tsang jawng ni rai nga ai.
2010 ning du hkra gaw Shanglawt jawng lung ai tsang shi jawngma ni myen asuya Dakkasu jawng shang lu ai lahta tsang san poi hpe htai lu na ahkaw ahkang nga wa sai rai nga ai.
Rai tim, 2011 ning myen hte shanglawt bai gasat hkat ai kawn shanglawt jawng lung ai tsang shi jawngma ni gaw myen mung asuya lahta tsang jawng a Dakkasu jawng shang san poi hta htai na ahkaw ahkang nnga mat sai rai nga ai.
KIO -Ginjaw hpaji dap kawn Dakkasu Jawng hpaw lu na matu myit makun shajin nga ai lam mung matut chye lu ai.
(source-eedy)
Kyat Exchange Rate
No comments:
Post a Comment