အာဏာရှင်တွေနဲ့ မပေါင်းလိုက်ရတာ နာတယ်

အာဏာရှင်တွေနဲ့ မပေါင်းလိုက်ရတာ နာတယ်(by:moemaka.com)

အေတီအိတ်ခ်ျ

ဇူလိုင် ၁၄၊ ၂၀၁၂

အာဏာရှင်တွေနဲ့ မပေါင်းလိုက်ရတာ နာတယ်

လယ်တွေ၊ ယာတွေ၊

ချောင်းတွေ၊ မြစ်တွေ

လက်ညှိုးထိုးရောင်းလိုက်ကြတာ

အာဏာရှင်တွေနဲ့ မပေါင်းလိုက်ရတာ နာတယ်။

ကြီးပွားချင်လွန်းလို့

ထီထိုးချဲထိုးနဲ့

လမ်းရိုးလိုက်ခဲ့သမျှ

အာဏာရှင်တွေနဲ့ မပေါင်းလိုက်ရတာ နာတယ်။

ဓမ္မနဲ့ အဓမ္မ

သဘာဝဂေဟ … ဆိုတာတွေက

ငါတို့ခေတ်မှာ

ယုံရခက်ကြီးပါ

အာဏာရှင်တွေနဲ့ မပေါင်းလိုက်ရတာကိုပဲ နာတယ်။

ဆယ်နွေ ဆယ်မိုးမက

နွေပေါင်း မိုးပေါင်းများစွာ

အာဏာရှင်တွေ တယောက်ပြီးတယောက်

ပေါ်လိုက် ပျောက်လိုက်

ဒင်းတို့နဲ့ မပေါင်းလိုက်ရတာ နာတယ်။

ထမင်းတလုပ်အတွက်

ရွံ့ထဲ ဗွက်ထဲမှာ နွားနဲ့ဖက် ရုန်းလို့ရုန်း

သားရေဖိနပ်မှာ အ၀တ်ကြိုးတပ်ပြီး စီးတဲ့အခါ စီး

ကျောတပြင်လုံး ဟောင်းလောင်းပွင့်လည်း

အရောင်မထွက်တဲ့ စွပ်ကျယ်ချိုင်းပြတ်ကိုပဲ

ဖန်တရာတေအောင် ၀တ်ခဲ့တယ်

ငါတို့တတွေ

နေရိပ်ရဖို့ အရေး

နေပူက စောင့်ကြရမယ်ပေါ့။

ကဲ အခုကြည့်

သူတို့ပဲ ပညာတတ်

သူတို့ပဲ လူတွင်ကျယ်

ငါတို့တွေက စာမတတ်ပေမတတ်

ငါတို့ကလေးတွေ

လူရာမ၀င်

ဒင်းတို့တတွေ

စာချပေးမှ ငါတို့က ရမယ့်ပုံမျိုး

လူလုံးပြနေကြတာ။

ပြီးတာတွေ ပြီးပါစေတော့

ဒီမိုကရေစီခေတ်မှာ

အခွင့်အရေးတန်းတူတဲ့

လူယဉ်ကျေးတွေက

ပြောရက်ကြပေတယ်။

ငါလေ

တစိမ့်စိမ့်တွေးလေ

အာဏာရှင်တွေနဲ့ မပေါင်းလိုက်ရတာ နာတယ် …။