DAP BA (5) GINRA NI HTA LAJA LANA KASAT

(LACHID KACHIN)
Wunpawng Mungdan Shanglawt Asuya Hpyen Dap, KIA Dap Ba (5)ginra,
rai nga ai Laja Yang,makau na MyenHpyen ni a LUNG RAWK Post de Malu
masha hte Laknak machyu pala ni wa sa na matu (28.6.2012)ya japawt
nhtoi ten nam lam hku nna mayun lung wa ai Myen Hpyen dap (Hk,M,Y-
320-383)dap na Myen Hpyen n-gun (100)jan hte KIA,Ginjaw Shimlam Hpyen
hpung ni hpyen n-gun (300)jan hte shani tup laja lana gap gasat hkat ai lam
Ndai zawn laja lana gasat hkat nga ai ten Sha Dan Pa na myen hpyen dap ni
gaw majan gin ra de Laknak Kaba ni hte gap garum ai rai tim dai laknak kaba
ni gaw gasat hkat ai shara de du ai lam n nga ai hpe mung chyelu ai. Gasat poi
byin ai hta KIA, Myutsaw share shagan (1) Myu hte Mungdan a matu asak ap
nawng mat sai rai nna, (1)mung hkala hkrum ai lam, Myen hpyen dap maga
de na mung hkart sum ai lam grai law ai lam chye lu ai. Ya yang dai myen
hpyen hpung ni hpe KIA, Myutsaw hpyen hpung ni kawn Lau Ban Lau Yin a
(ရာဘာ)sun kaw wang matep da ai lam KIA, shawng lam shiga lawk kaw na
chye lu ai.Dai Myen hpyen hpung ni hpe dai ni (June, 29)ya shani bai gap shakre
kau na re lam hpe mung matut chye lu ai.