သမ္မတကြီး ကျန်းမာပါစေ

 

 

 

 

 

 

 

 

 

 

 

 

 

 

 

 

 

ခုချိန်ထိ ကြားရတာတွေက အမျိုးမျိုး အဖုံဖုံ…

မြစ်ဆုံ၊ ကြေးနီစီမံကိန်း၊ ၀ပြည်နယ်ကစလို့ ဘင်္ဂလီတွေ သားဆက်ခြားဖို့လိုတဲ့ အကြောင်း၊ ရခိုင်တစ်မျိုးသားလုံးက ထောက်ခံထားတဲ့ ဒီဒေသန္တရအမိန့်ကို ပြည်နယ်အစိုးရက မထုတ်ပြန်ရသေးတဲ့ အကြောင်း၊ ဘာသာရေးအသွင်ဖြစ်နေတဲ့ အဖျက်အမှောင့်တွေ အကြောင်း၊ မလေးရှားရောက် ရွှေမြန်မာတို့အကြောင်း၊ ဒေါ်အောင်ဆန်းစုကြည်ပြောတဲ့ မြန်မာနဲ့ ဗမာ အကြောင်း၊ လိုင်ဇာမှာ ပင့်ဆောင်ပူဇော်မယ့် ကျည်ဆံရုပ်ပွားတော် (ကျည်ဆံခွံတွေနဲ့ ထုလုပ်ထားတဲ့ ဗုဒ္ဓရုပ်ပွားတော်) အကြောင်း၊ နောက်ဆုံး အပစ်ရပ်စာချုပ်က ကတိတွေ မတည်လို့ KNU က သမ္မတကြီးကို နေပြည်တော်အထိ လာတွေ့မယ့် အကြောင်း …

ကြာလာတော့ ‘မင်းတို့ ဗမာနိုင်ငံက ရှုပ်လိုက်တာကွာ…’ လို့တောင် ညည်းယူရမလို ဖြစ်လာတယ်။ လွတ်လပ်ရေးရပြီးကတည်းက ငြိမ်ငြိမ်ဆိမ်ဆိမ် တိတ်တိတ်ဆိတ်ဆိတ် နေရတယ်လို့ တစ်ခါမှ မရှိသေးဘူး။ တစ်ခုမဟုတ် တစ်ခုတော့ ဖြစ်နေရမှကို ဗမာနိုင်ငံပီသသလို ဖြစ်နေပြီ။

ဒါဟာ ဗိုလ်ချုပ်မျှော်မှန်းခဲ့တဲ့ တိုင်းပြည်မှ ဟုတ်ပါလေစ။

ဗိုလ်ချုပ်အောင်ဆန်းဟာ လေးစားစရာ ပုဂ္ဂိုလ်ပါ။ ဗြိတိသျှဆီကနေ ပြည်ထောင်စုအဖြစ် လွတ်လပ်ရေးရဖို့ တောင်ပေါ်မြေပြန့် ချစ်ကြည်ရေး တည်ဆောက်နိုင်ခဲ့တယ်၊ ဗြိတိသျှကိုယ်စားလှယ်တွေရဲ့ မျက်စိအောက်မှာတင် ပင်လုံကတိက၀တ်တွေကို သဘောတူလက်မှတ် ရေးထိုးနိုင်ခဲ့တယ်။ ကြိုတင်မဲတွေ၊ မဲလိမ်တာတွေ မရှိဘူး၊ ပြောရရင် Transparency ရှိခဲ့တယ်။ ဗြိတိသျှကိုယ်တိုင်နဲ့ နိုင်ငံတကာအသိုင်းအ၀ိုင်းအလယ်မှာ ပြောစရာ မရှိ၊ မျက်နှာပန်းလှတယ်။ 

ဒါကြောင့် ဗြိတိသျှတို့က ပြည်ထောင်စုတစ်ဝန်းလုံးက တိုင်းရင်းသားအားလုံးရဲ့အရေးကို ကိုဗမာတို့လက်ထဲ ‘၀’ကွက်အပ်ခဲ့တယ်။ တိုင်းရင်းသားခေါင်းဆောင်တွေ ကိုယ်နှိုက်က ယုံယုံကြည်ကြည်နဲ့ ပင်လုံမှာ လက်မှတ်ထိုး ခဲ့တာဆိုတော့ “သေချာစဉ်းစားပေါ့ကွာ”ဆိုတဲ့ စကားထက်လွဲလို့ ပိုမပြောနိုင်ခဲ့ဘူး။ ဗမာ့သမိုင်း အလိုအရတော့ သွေးခွဲမှုတွေ၊ ၀င်ရောက်စွက်ဖက်မှုတွေ ရှိခဲ့တယ်ပေါ့ဗျ။ ဒါကြောင့် ကိုဗမာတို့က တိုင်းရင်းသားတွေ ရှောရှောရှူရှူ ၀င်လာအောင် အပေးအယူလုပ်ခဲ့ရတယ်၊ အများကြီး အလျှော့ပေး၊ လိုက်လျောခဲ့ရပါတယ်တဲ့။ ဘာပဲပြောပြော ပင်လုံစာချုပ်ဟာ တိုင်းရင်းသား ခေါင်းဆောင်တွေနဲ့ ဗမာခေါင်းဆောင်တွေကြားတဲ့က ခိုင်ခိုင်မာမာ ရှိခဲ့တဲ့ သဘောတူညီမှုတွေပဲ။

ဒါပေမဲ့ ယုံကြည်မှု၊ နားလည်မှု ဘယ်လောက်ပဲရှိပါစေ၊ အာဏာရူးတွေ လက်နက်အားကိုးနဲ့ သောင်းကျန်းတော့လဲ ဘာမှမတတ်နိုင်ဘူး။ ဗိုလ်ချုပ်က ပျော့ပျော့ပြောင်းပြောင်းနဲ့ စည်းရုံးသိမ်းသွင်းတယ်၊ အခြေတကျဖြစ်တဲ့အချိန်ကျတော့ နောက်တစ်ယောက်က မင်းသားခေါင်းဆောင်းချွတ်၊ ဘီလူးဆိုင်းတီးပြီး အစွယ်ဖြဲပြတယ်။ ဖယ်ဒရယ်မူကို ခွဲထွက်ရေးမူလို့ သမုတ်တယ်။ တစ်နိုင်ငံလုံး စစ်ကျွန်ဘ၀ရောက်ရတယ်။ တိုင်းရင်းသားတွေက တိုင်းတစ်ပါးကျွန်ဘ၀ ရောက်ရတယ်။ တစ်ကမ္ဘာလုံး ဘာမှမတတ်နိုင်၊ လက်ပိုက်ကြည့်ရုံသက်သက်။ ဒါက သမိုင်းထဲက သင်ခန်းစာ။

ဒါဆို ကျနော်တို့ ဘာကို ယုံကြည်ရမှာလဲ၊ ဗြိတိသျှလေ့လာသူတွေရှေ့မှာ တိုင်းရင်းသားခေါင်းဆောင်တွေ သဘောတူ လက်မှတ်ထိုးထားတဲ့ စာချုပ်တောင် စာရွက်စုတ်တစ်ရွက်သာ ဖြစ်သွားခဲ့ရတယ်။ ယခင်မြောက်ပိုင်းတိုင်းမှူး၊ လက်ရှိ ဒုတိယတပ်မတော်ကာကွယ်ရေးဦးစီးချုပ်နဲ့ ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီးစိုးဝင်းက တိုင်းမှူး ဘ၀မှာ  “ပင်လုံခေတ် ကုန်သွားပြီ”လို့ ပြောခဲ့ဖူးပါသဗျ။ (ဒီလို သဘောထား၊ ခံယူချက်တွေကြောင့်ပဲ သူကောင်းပြုခံရတာ ဖြစ်မယ်ထင်တယ်။) အခုလို “ညီအစ်ကိုချင်းဖြစ်တဲ့ကိစ္စ ညီအစ်ကိုချင်း တိုးတိုးတိတ်တိတ် ရှင်းရအောင်”ဆိုတဲ့ စကားတွေအောက်မှာ အပစ်ရပ်စာချုပ်တွေက ဘယ်လောက် ယုံကြည်ဖွယ်ရှိမှာလဲ။ ခုပဲကြည့်၊ ကတိမတည်ပုံတွေကို KNU နဲ့ ဗိုလ်ချုပ်ရွက်ဆစ်တို့က သမ္မတကြီးနဲ့ အကျေအလည် ဆွေးနွေးတော့မယ်။

ဦးသိန်းစိန်၊ ဦးအောင်မင်းတို့က သဘောထားကြီးကြီးနဲ့ နူးညံ့ပျော့ပြောင်းစွာ တိုင်းရင်းသားအရေး ကိုင်တွယ်နေပါတယ်(တဲ့)။ အမှန်တကယ် ပြုပြင်ပြောင်းလဲနေပြီဆိုတာ တိုင်းရင်းသားတွေလဲ ယုံကြည်ချင်ပါတယ်၊ တစ်သက်လုံး တော်လှန်ရေးလုပ်လာခဲ့တာ ပင်ပန်းလှပြီ။ ယုံချင်ပြီ၊ နားချင်ပြီ၊ ငြိမ်းချမ်းချင်ပြီ။ ဒါပေမဲ့ ယုံကြည်လိုက်ဖို့က အရင်းအနှီး ကြီးလွန်းတယ်။ ဘယ်မလဲ သေချာခိုင်မာတဲ့ နိုင်ငံရေးအာမခံချက်တွေ၊ အပစ်ရပ်ပြီးရင် နိုင်ငံရေးဆွေးနွေးမှုတွေ ဘယ်လိုလုပ်ပါမယ် ဆိုတာတောင် ခုထိ ‘မူ’မည်မည်ရရမရှိဘူး။ (၂၀၀၈) ဥပဒေအောက်ကိုဝင်၊ လွှတ်တော်ထဲရောက်မှ ဆက်ပြောကြမယ် ဆိုတာမျိုး။  UNFC နဲ့ဆွေးနွေးတုန်းကလဲ ကြည့်လေ၊ နိုင်ငံရေးဆွေးနွေးမယ့် မူဘောင်၊ လုပ်ငန်းစဉ်တွေကို ဦးအောင်မင်းအနေနဲ့ အာမခံဖို့ တွန့်ဆုတ်၊ တွန့်ဆုတ်ရယ်။

လက်ရှိအနေအထားအရတော့ မြင်သမျှ၊ တွေ့သမျှ ဘာမှ အချိုးမပြေသေးဘူး။ ပါးစပ်ကသာ ယုံပါပြောနေတယ်၊ ယုံကြည်စရာတွေလုပ်ပြတာ မမြင်ရဘူး။ ကေအိုင်အိုကို ကချင်တစ်မျိုးသားလုံး ထောက်ခံတဲ့အကြောင်း အသိအမှတ်ပြုလိုက်ရမှာ ကြောက်တော့၊ တစ်သက်လုံး လူမြင်မခံခဲ့တဲ့ ကချင်အမျိုးသားအလံကိုသာ ကချင်ပြည်နယ်အလံရယ်လို့ တံဆိပ်ကပ်ပေးလိုက်တယ်။ ဒါ ရိုးသားမှု မရှိတာပဲ။ အဲဒီတော့ သောက်ရှက်မရှိမှ ယုံကြည်ပါဆိုတဲ့ စကားကို လာပြောပေါ့။

ကချင်အမျိုးသားတစ်ရပ်လုံးနဲ့ ကေအိုင်အိုက နိုင်ငံရေးဆွေးနွေးပွဲ အရင်လုပ်ဖို့ ဒီလောက်ဆန္ဒ ပြင်းပြနေတာတောင် အပစ်အခတ်ရပ်စဲရေးကနေ တစ်ပြားသားမှ မလျှော့ဘူး။ အဲဒီတော့ ပြောလိုက်မယ်။ ယုံပါ၊ ယုံပါ တစာစာ ပြောနေပေမဲ့ နိုင်ငံရေးဆွေးနွေးပွဲတွေကနေ အမျိုးသားရေးအာမခံချက် မရမချင်း လူထုက ယုံကြည်မှာ မဟုတ်ဘူး။ ယုံကြည်မှု မရှိရင် အပစ်အခတ်ရပ်စဲရေး ဖြစ်လာစရာ အကြောင်းမရှိဘူး။

တကယ်တော့ အပစ်အခတ်ရပ်စဲရေးဆိုတာရဲ့ နောက်မှာ နိုင်ငံရေးဆွေးနွေးပွဲတွေအစား၊ နိုင်ငံရေး အမြတ်ထုတ်မှုတွေကိုသာ ကြိုမြင်နေမိတယ်။ ပြီးခဲ့တဲ့ မြစ်ကြီးနားဆွေးနွေးပွဲ ကြေညာချက်မှာ နိုင်ငံရေးဆွေးနွေးရန် သဘောတူသည်ဆိုတာကြီးကို ထိပ်ဆုံးမှာ တင်ထားပါရက်၊ မနောမြေမှာ သေနတ်သံတိတ်ပြီ ဆိုတဲ့ဘက် မသိမသာ ဇောင်းပေးပြောတာတွေ မြင်ရ၊ ကြားရတယ်။

တကယ်သာ အပစ်ရပ်လက်မှတ်ထိုးပြီးရင် တောင်တန်းဒေသ ထူထောင်ရေးအတွက် ခွက်ဆွဲပြီး ကမ္ဘာပတ်မယ်လေ။ ပွဲစားခကတော့ ကိုယ့်ကိုယ်ကိုယ် သဒ္ဓါသလောက်ပါပဲ။ အဲ … သေချာတာကတော့ လွတ်လပ်ရေးရပြီးနောက် ပထမဆုံးအကြိမ် သေနတ်သံတိတ်အောင် လုပ်နိုင်တဲ့အတွက် ပြောင်ရှင်းကို ကျောဝိုင်းပုတ်ကြမှာ သေချာတယ်။ နိုဗယ်ဆုတောင် ရဖို့ သေချာသလောက် ရှိတယ်။ ဒါဆို ၂၀၂၀ အထိ သက်ဆိုးရှည်လို့ ရပြီ။ ကံကောင်းရင် (၂၁) ရာစု မြန်မာနိုင်ငံရဲ့ တစ်ဦးတည်းသော သမ္မတအဖြစ်တောင် မော်ကွန်းတင်ခံရဦးမယ်။ ဟုတ်ပ… အဲလိုဆို နိုင်ငံရေးဆွေးနွေးပွဲတွေ လုပ်ဖို့အထိ ဘာလို့ ခေါင်းရှုပ်ခံပြီး စီစဉ်ထားရမှာလဲ။

အဲ စကားစ ပြန်ကောက်ရရင်ဖြင့်…၊

ဦးအောင်မင်းလိမ်တယ်လို့ မပြောချင်ပါဘူး။ ဗိုလ်ချုပ်အောင်ဆန်းလို ဖြူစင်တဲ့ စေတနာရှိတာ ဖြစ်နိုင်ပါတယ်။ မြစ်ကြီးနားဆွေးနွေးပွဲမှာ ကေအိုင်အိုရဲ့ ကချင်အမျိုးသားအလံကို ဝှေ့ယမ်းပြသွားတာ မျက်မြင်ကိုယ်တွေ့ပါပဲ။ ဦးသိန်းစိန်လဲ အမှန်တကယ်ကို သဘောထားမှန်မှန်နဲ့ ပြုပြင်ပြောင်းလဲနေတာကို ယုံကြည်ပေးပါ့မယ်။ ဒေါ်အောင်ဆန်းစုကြည်နဲ့ လက်တွဲပြီး တိုင်းပြည်ကို စစ်ဖိနပ်အောက်ကနေ ညင်သာစွာ ဆွဲထုတ်ပေးမယ်ဆိုတာ လက်ခံထားပါ့မယ်။

ဒါပေမဲ့ ဗမာနိုင်ငံမှာ၊ ဗမာတွေထဲမှာ ဗိုလ်နေ၀င်းလိုလူတွေ မရှိတော့တာ သေချာလား၊ (ဗိုလ်စိုးဝင်းကတော့ အထက်ပါအတိုင်း ပြောထားပါသဗျာ။) ရွှေလက်မယူရင်၊ ဘူးလက်ပေးမယ်ဆိုတဲ့ မဟာအမျိုးသားရေးမူဝါဒပိုင်ရှင်တွေ မရှိဘူးတဲ့လား..။ ဗမာ့တပ်မတော်ဟာ ပြည်သူ့အစိုးရအောက်ကို ရောက်ပြီလား။ အာဏာရှင်စနစ်၊ နယ်ချဲ့စနစ်ကို ထောက်မခဲ့တဲ့ ဗမာတပ်မတော်စစ်တက္ကသိုလ်ရဲ့ သင်ရိုးညွှန်းတန်းတွေထဲမှာ (၀ါဒမှိုင်းတိုက်တာတွေ၊ Brain wash တွေ ရပ်ဖို့မဟုတ်သေးဘူး၊) ပြည်သူ့အုပ်ထိန်းမှုကို နာခံဖို့အကြောင်းလေးတောင် ထည့်ရေးပြီးပြီလား။

ဗိုလ်ချုပ်အောင်ဆန်းက မလိမ်ပါဘူး၊ ဒါပေမဲ့ လက်ရှိတိုင်းပြည်က သူမျှော်မှန်းထားသလို မဟုတ်တာ သေချာတယ်။ ဦးသိန်းစိန်နဲ့ ဦးအောင်မင်းကလဲ မလိမ်ပါဘူး။ ဒါပေမဲ့ တိုင်းပြည်က သူတို့ မျှော်မှန်းသလို တကယ်ပဲ ဖြစ်လာမှာလား။

ဗိုလ်ချုပ်အောင်ဆန်းက တိုင်းရင်းသားတွေကို စည်းရုံးသိမ်းသွင်းတယ်၊ (သူသေသွားတဲ့နောက်) ၁၄ နှစ်အကြာ တိုင်းပြည်ရဲ့အချုပ်အခြာကို သေချာ ချုပ်ကိုင်နိုင်တဲ့အချိန်ကျတော့ (ဗြိတိသျှတပ်တွေ မရှိတော့တဲ့အချိန်၊ အာရုံမစိုက်တော့တဲ့အချိန် ကျတော့) တောင်တန်းဒေသအားလုံးကို ကိုလိုနီပြုတယ်၊ ခုချိန်ထိပဲ။ 

ပင်လုံစာချုပ်ဟာ တိုင်းရင်းသားတွေကို သခင်ကြီးကနေ သခင်လေးဆီ ပြောင်းပြီး ကျွန်ခံခိုင်းတဲ့အဖြစ်ဆိုရင်၊ အခုလုပ်မဲ့ ဆွေးနွေးပွဲရလာဒ် (ဖယ်ဒရယ်မူ၊ ဒုတိယပင်လုံ ဘာပဲဖြစ်ဖြစ်၊ ဘယ်လိုပဲခေါ်ခေါ်)ကကော တိုင်းရင်းသားတပ်တွေကို လက်နက်ဖြုတ်သိမ်းတဲ့ စာချုပ်စာတမ်းအတု ဖြစ်မနေနိုင်ဘူးလား။ နောက် ၁၀ နှစ် ၁၅ နှစ်မှာ ဗမာစစ်တပ်က အာဏာပြန်မသိမ်းဘူးလို့ ဘယ်သူ အာမခံနိုင်လဲ။

ပင်လုံစာချုပ်ကတော့ ဗိုလ်ချုပ်သေပြီးမှာ ပျက်ပြယ်သွားတယ်လို့ ပြောရမှာပေါ့၊ ဒါကြောင့် ဦးသိန်းစိန်၊ ဦးအောင်မင်းတို့ကကော သူတို့ပေးထားတဲ့ ကတိက၀တ်တွေ၊ စကားတွေ မတည်ခဲ့သည်ရှိသော် အသေခံနိုင်သလား။ ကချင်ကို ထိုးစစ်မဆင်ပါဘူးဆိုတဲ့ စကားတွေ၊ ကေအိုင်အိုဟာ ကချင်လူထုကို ကိုယ်စားမပြုတဲ့ သောင်းကျန်းသူသာဖြစ်တယ် ဆိုတဲ့စကားတွေလောက်ကတော့ ခွင့်လွှတ်နိုင်ပါတယ်။ ဒါပေမဲ့ မကြာမီ လာတော့မယ့်၊ အပစ်ရပ်စာချုပ်ကနေ ဒုတိယမြောက်(ခ) ၂၁ရာစု(ခ) ပင်လုံကဲ့သို့သောစာချုပ်ကို ချိုးဖောက်မယ်ဆိုရင်တော့ အသက်နဲ့လဲပြီး အာမခံသလား မေးလိုက်ချင်ပါတယ်။

ဦးသိန်းစိန်မှ မဟုတ်၊ မည်သည့်ဗမာနိုင်ငံသားမဆိုပေါ့။ တိုင်းရင်းသားတပ်တွေကို လက်နက်ဖြုတ်ပြီးတော့မှ မဟာဗမာတပ်တွေနဲ့ ပဉ္စမမြန်မာအင်ပါယာကြီး ထူထောင်ခဲ့သည်ရှိသော် အသေခံပါမယ်ဆိုတဲ့သူ လက်ထောင်..။ အေး..၊ လက်ထောင်ရဲတဲ့သူ မရှိပါဘဲနဲ့ ဒီကချင်တွေ အပစ်ရပ်ဖို့ဆန္ဒမရှိဘူး..၊ ငြိမ်းချမ်းရေးမလိုလားဘူး..၊ အချိန်ဆွဲတယ်တော့ လာမပြောနဲ့။ ပါးချည်းပဲ လှိမ့်ရိုက်ပလိုက်မယ်။

ကချင်တွေပြောတာကို နားထောင်ကြည့်။

အပစ်ရပ်တာပဲ ဖြစ်ဖြစ်၊ နိုင်ငံရေးဆွေးနွေးပွဲပဲဖြစ်ဖြစ်၊ နိုင်ငံတကာအသိသက်သေတွေ ရှေ့မှာလုပ်မယ်။ ဒီစာချုပ်မရှိရင် (ချိုးဖောက်ရင်) ပြည်ထောင်စုမရှိ၊ သီးခြားလွတ်လပ်သော နိုင်ငံငယ်များ ဖြစ်ကုန်မယ်၊ ဒါကိုမှ နိုင်ငံတစ်ခုက ကျန်နိုင်ငံတစ်ခုကို ၀င်သိမ်းရင်၊ နိုင်ငံတကာအသိုင်းအ၀ိုင်းက ၀င်ပါမယ်ဆိုတာကို ပေါ်လွင်အောင် ချုပ်ဆိုမယ်။ ပင်လုံတုန်းကလို ဗြိတိသျှတွေ ဖာသိဖာသာ ရှောင်ထွက်သွားတာမျိုးတော့ မရဘူးပေါ့၊ ဗိုလ်နေ၀င်းလိုလူတစ်ယောက် ထပ်ပေါ်ခဲ့ရင် စီးပွားရေးပိတ်ဆို့ရုံတင်မက စစ်ရေးအရ အရေးယူဖို့အထိ တာဝန်ခံနိုင်တဲ့ နိုင်ငံတကာအသိုင်းအ၀ိုင်းရဲ့ ပါဝင်မှုကို လိုလားတယ်။ ဒါဆို တိုင်းရင်းသားတွေရဲ့ အမျိုးသားအခွင့်အရေးအပြင်၊ နိုင်ငံသားတိုင်းရဲ့ အခြေခံလူ့အခွင့်အရေးကို ကာကွယ်နိုင်မယ်။

ဒီလို နိုင်ငံတကာက အာမခံပေးတဲ့ ပင်လုံကဲ့သို့သောစာချုပ်အရ ပြည်ထောင်စုစစ်စစ်ဖွဲ့ဖို့ ကြိုးစားနေတယ်။ ချောက်ထဲကျခါနီး ကယ်တင်သွားတာမျိုး ထပ်မဖြစ်စေရဘူး…။ ပြည်ထောင်စုအစိုးရစစ်စစ်နဲ့ ပြည်ထောင်စု တပ်မတော်စစ်စစ် ဖွဲ့မယ်။ အညာဒေသဆီက ဗမာပြည်နယ်အပါအ၀င်တိုင်းရင်းသားပြည်နယ်တွေ၊ ပဲခူး၊ ရန်ကုန်၊ ဧရာဝတီ၊ တနင်္သာရီစတဲ့ တိုင်းရင်းသားအားလုံးရဲ့ ပြည်နယ်တွေနဲ့ ဗဟိုအစိုးရအကြား အာဏာခွဲဝေမှု မျှချေတစ်ခု တည်ဆောက်မယ်။ ပြည်နယ်တစ်ခုခုက ခွဲထွက်ချင်ရင် သို့မဟုတ်၊ တိုင်းတစ်ခုခုက ပြည်နယ်အဆင့်တောင်းလာရင် ပြည်ထောင်စုအဆင့်မှာ ဆုံးဖြတ်မယ်၊ လိုအပ်ရင် စစ်ရေးအရ အရေးယူမယ်။

ဒါမှ ဖယ်ဒရယ်ပြည်ထောင်စု စစ်စစ်လို့ ကမ္ဘာမှာ ၀ံ့ကြွားနိုင်မှာပေါ့…။

အင်း ပြောသာ ပြောနေရတယ်၊ သမ္မတကြီးက ငါအသေခံတယ်၊ ငါဟာ (၂၁) ရာစုမြန်မာပြည်ရဲ့ တစ်ဦးတည်းသော သမ္မတဖြစ်ရမယ်။ ပေးခဲ့သမျှ ကတိတွေ ဖျက်ကြတော့၊ မဟာဗမာအင်ပါယာကြီး ပြန်တည်ထောင်ကြတော့ ဆိုရင် ဒုက္ခရောက်ဦးမယ်။ သူအသေခံတာက အသက်တစ်ချောင်းတည်း (အာဇာနည်စာရင်းတောင် ၀င်ချင်ဝင်နေဦးမယ်)၊ ကချင်တောင်ပေါ်သားတွေ သေကြေမှာက နောက်ထပ်နှစ်ပေါင်း များစွာ..။ မဖြစ်သေးပါဘူး။ ကျနော်စိန်ခေါ်ထားတာကို ပြန်ရုပ်သိမ်းမှ…..

“သမ္မတကြီး ကျန်းမာပါစေ..၊ သမ္မတကြီး ချမ်းသားပါစေ…။ သားသားက နောက်တာ..၊ တကယ် မသေလိုက်ပါနဲ့ဦး…။ နောက်တစ်ခေါက်ကျရင်သာ US, UK, EU တွေကို ပါအောင် ခေါ်ပေးနော်.. လိမ်မာတယ်…”

၂ နှစ်ပြည့်ကချင်စစ်ပွဲကို ရည်စူးလျက် …….

မောင်ရေခဲ

 

Ref : JP kasa