02 January 2014 by Knet Hkungga Tsawra ai Wunpawng myu sha myit su Du Salang, Ramma ni hpang de zuphpawng saw shaga laika hpe htawn shalai ndau shabra dat ai. Miwa Mung Ruili Muklum kaw 2014 ning February (20) ya kaw nna (23) ya laman hta Mungkan Wunpawng Amyu Sha Zuphpawng Kaba galaw na re.
Dai zuphpawng gaw, Wunpawng Amyu Sha ni a Htunghking, laili laika, labau ni hpe bawngban ai zuphpawng kaba rai na re. Dai majaw Mungkan shara shagu hta nga ai Wunpawng Amyu sha Du Salang ni, Hpaji Ninghkring ni, Htunghking hte Labau Sara ni sa du bawngban lawm na matu saw shaga dat ai. Mungdan langai mi kaw na marai (5) hta n jan ai sa du lawm na matu saw shaga dat ai. Zuphpawng sa lawm na ni gaw tinang a htunghking, labau, laili laika ni hte seng ai lam ni tang madun bawngban na laika ni ka lajang lawm sa ra na.
Zuphpawng hta sa lawm na myitsu ni a mying jahpan hpe 2014 ning January shata (15) ya shawng e, shagun jaw ya marit. Ndai saw shaga laika gaw Myen Mung shinggan de nga ai Wunpawng myu sha ni hpe laksan saw shaga ai laika re.
Matut mahkai na hkringdat ni.
(1) Saw shaga laika hta lawm ai Email hkringdat hte matut na.
(2) Du Kaba Maran Zau Tawng. ( padangseng@yahoo.com)
(3) Du Kaba Nhpang Naw Bu. ( nawbunhpang@gmail.com)
Kyat Exchange Rate
No comments:
Post a Comment