Jinghpaw ni a loi mi yak ai lam

Anhte wunpawng sha ni gaw moi chyaloi nhkoi prat kaw na rau dung rau pra ginru ginsa yu hkrat wa ai ni chyu rai ga ai . Mayu Dama ,,Kahpu ganau ,Makyin jinghku hte rau ganawn mazum let myithkrum mit ra rai nga pra wa ga ai re .

Rai tim ya anhte Hpung prat de gale ,Madu yesu lata la sai amyu ni tai wa ai shaloi gaw ,,kaji kajaw hpe shayak hkat wa ma ai . Tinang a kashu kasha ni hpe Hpung nbung ai majaw nlu jaw sha ai . Hpung nbung ai majaw nlu la ai , nga nna she kamsham ai Karai gaw ngai sha rai tim ,amying sha nbung ai rai tim nkau mi hpung hpe lakap nna grai yak wa ma ai . Ngai mu mada ai gaw anhte yawng karai kasang a kashu kasha ni sha rai ga ai , Karai Kasang a man e mung ngai sha rai ga ai . Rai tim shamying ai mying nbung ai majaw mala la she tsan hkat ai majaw myit nhkrum ai zawn zawn nga nna tsun wa ma ai . Nkau Hpung woi ni , Hpung salang ni , Shara ni nan Hpung nbung jang jinghpaw shada wunpawng shada mi rai rai kashu kasha njaw sha hkat na matu mastun nga ma ai . Ndai gaw hpa majaw ta ? Ndai hku byin mai na i ?

Ramma hkawng kade tsaw ra hkat shada myit grai chye tau hkat nga ai re tim kaba ai ni Hpung nbung ai nga nna jahka kau ai mung tup she rai nga ai re . Ngut na gaw kaga maigan la hte la mat yang gaw chye..... Yau sai law nga hpa mung bai n,garu re ma ai . Manu dan ai WP ramma ni shada tsawra na ding hku de na hpe gaw grai ngun jaw ra ai ,hpung nbung ai nga majaw sha njahka yang kaja na re ngu mu nngai . Hpung ma nbung tim Karai kasang gaw ngai sha re ,,Mying sha shai mat ai re ,ngu ai hte maren WP shada Hpung nbung ai nga nna njaw sha hkat re ai gaw nmanu na re . Kaga amyu maigan ni hte ding hku de sha mat na hpe she tsang ga , ning hkap ga .

Anhte amyu ni hpa nlaw shi ga ai , sat lawat kaji la ai ning mu hte hpung ginhka ai hpe n,galaw yang kaja na re ngu mung nngai law . Moi kawn nna rau dung rau pra ni Hpung mying gang nna n,garan ga , n,gin hka ga ngu she ga saw mayu sai law .. Ngai hpa nchyoi shi ai wa a ning mu sha re majaw shut ai lam nga yang mara raw ya marit oi ...

jinghpaw zau