လမ်းပြောင်းပြန်မောင်းပြီး ယာဉ်တိုက်မှုကြောင့် ပြန်/ဆက် ဒုညွှန်မှူး အမှုဖွင့်ခံရ

နေပြည်တော်ရှိ လွှတ်တော်များ အနီးမှ လမ်းမကြီးတခု (ဓာတ်ပုံ – ကိုစိုး / ဧရာဝတီ)

ပြန်ကြားရေး ဝန်ကြီးဌာနအောက်ရှိ ပြန်ကြားရေးနှင့် ပြည်သူ့ဆက်ဆံရေး ဦးစီးဌာန၏ ဒုတိယ ညွှန်ကြားရေးမှူး ဦးမျိုးဝင်းသည် ယာဉ်တိုက်မှုဖြင့် နေပြည်တော် ယာဉ်ထိန်း ရဲတပ်ဖွဲ့က နေပြည်တော်၊ ဇဗ္ဗူသီရိမြို့နယ်ရှိ အမှတ် (၅) ရဲစခန်းတွင် အမှုဖွင့်တိုင်ကြားခံထားရကြောင်း သတင်းရရှိသည်။
ယခုလ ၂ ရက်နေ့က ဇဗ္ဗူသီရိမြို့နယ်၊ ပျဉ်းမနား-တောင်ညို လမ်းမကြီးပေါ်ရှိ မြဝတီ ဆီဆိုင်အနီးတွင် ပဏာမ မြန်မာ့ လက်ရွေးစင် ပိုက်ကျော်ခြင်း ကစားသမား ၃ ဦး စီးနင်းလာသည့် မော်တော်ဆိုင်ကယ်အား ဝင်တိုက်ခဲ့ပြီး ထိုအမှုဖြင့် နေပြည်တော် ယာဉ်ထိန်း ရဲတပ်ဖွဲ့ က အမှုဖွင့်ထားခြင်းဖြစ်ကြောင်း သက်ဆိုင်ရာ ရဲစခန်းနှင့် ယာဉ်ထိန်း တပ်ဖွဲ့များက ပြောသည်။
ဖြစ်စဉ်တွင် ဦးမျိုးဝင်းသည် ၎င်း၏ ကားကို ပျဉ်းမနား-တောင်ညို လမ်းမကြီးပေါ်တွင် လမ်းပြောင်းပြန် မောင်းနှင်လာပြီး လမ်းမှန်အတိုင်း မောင်းနှင်လာသည့် ကစားသမား ၃ ဦး၏ ဆိုင်ကယ်အား မျက်နှာချင်းဆိုင် ဝင်တိုက်ခဲ့ခြင်းဖြစ်ကြောင်း နေပြည်တော် ယာဉ်ထိန်း ရဲတပ်ဖွဲ့ ရဲမှူး ခင်မောင်မြင့်က ဧရာဝတီသို့ ပြောသည်။
“မြန်မာ့လက်ရွေးစင် ပိုက်ကျော်ခြင်းသမားတွေက မောင်းလာတဲ့ လမ်းကြောင်း အမှန်ထဲကိုမှ လမ်းပြောင်းပြန် မောင်းလာတဲ့ ဦးမျိုးဝင်းရဲ့ကားနဲ့ တိုက်မိတာပါ။ ဒါနဲ့ပတ်သက်ပြီး ကျနော်တို့က အမှတ် (၅) ရဲစခန်းမှာ ပုဒ်မ ၃၃၇/၃၃၈ နဲ့ အမှုဖွင့်ထား ပါတယ်” ဟု ရဲမှူး ဦးခင်မောင်မြင့်က ပြောသည်။
နေပြည်တော် ဇဗ္ဗူသီရိ မြို့နယ် အမှတ် (၅) ရဲစခန်းမှ ရဲအရာရှိ တဦးကလည်း “ယဉ်ထိန်းရဲတပ်ဖွဲ့က ကျနော်တို့ဆီမှာ အမှုဖွင့်ထားပါတယ်။ ယာဉ်မှုစစ် ဒုရဲအုပ် ကျော်ကျော်နိုင် ကိုယ်တိုင် ဒီအမှုကို ဖွင့်ပြီး သူကိုယ်တိုင် စစ်ဆေးနေပါတယ်။ ယာဉ်ထိန်းရဲက ဆေးစာ ပို့ထားတဲ့ အထဲမှာတော့ ယာဉ်တိုက်မှုဖြစ်စဉ်မှာ ဦးမျိုးဝင်းက မူးနေတယ်လို့ ပါတယ်” ဟု ဧရာဝတီသို့ ပြောသည်။
ဒဏ်ရာရရှိသွားသော ပိုက်ကျော်ခြင်း အားကစားသမား ၃ ဦးသည် ယခုနှစ်အတွင်း မြန်မာနိုင်ငံက အိမ်ရှင်အဖြစ် နေပြည်တော်တွင် ကျင်းပမည့် (၂၇) ကြိမ်မြောက် အရှေ့တောင်အာရှ အားကစား ပြိုင်ပွဲ (SEA Game) အတွက် ပဏာမ လက်ရွေးစင်အဖြစ် ရွေးချယ်ထားသူများဖြစ်ပြီး မကွေးတိုင်းမှ ၁ ဦး၊ မွန်ပြည်နယ်မှ ၂ ဦးတို့ ဖြစ်ကြောင်း သိရသည်။
အဆိုပါ ကစားသမား ၃ ဦးအား နေပြည်တော် ကုတင် ၁ ထောင်ဆံ့ ဆေးရုံကြီးတွင် ပွန်းပဲ့ ဒဏ်ရာများဖြင့် ဆေးကုသမှု ခံယူလျက်ရှိပြီး ဒဏ်ရာများမှာ စိုးရိမ်စရာမရှိကြောင်း ပိုက်ကျော်ခြင်းပြိုင်ပွဲ ကျင်းပရေးအဖွဲ့ ဦးစီးအရာရှိ ဦးထွဋ်ခိုင်လွင် က ဧရာဝတီသို့ ပြောသည်။
“သူတို့က ရန်ကုန် ခြင်းလုံးအဖွဲ့ချုပ်က ပို့ထားတဲ့ ကစားသမားတွေ။ ဆီးဂိမ်းအတွက် စခန်းသွင်း လေ့ကျင့်နေတဲ့ ကစားသမားတွေပါ။ ဒဏ်ရာတွေကတော့ စိုးရိမ်စရာမရှိပါဘူး။ မကွေးက တယောက်ကတော့ မနေ့ကပဲ ဆေးရုံက ဆင်းလာပြီ။ နောက်တယောက်လည်း သက်သာနေပါပြီ။ အဆိုးဆုံး တယောက်ကတော့ အကြောညှပ်သလို၊ လွဲသလို ဖြစ်သွားလို့ ခွဲစိတ်ရမယ်လို့ သိရတယ်။ သူလည်း တလလောက်နားပြီး လေ့ကျင့်ခန်း ပြန်ဆင်းနိုင်မှာပါ” ဟု ဦးထွဋ်ခိုင်လွင် က ပြောသည်။
ဥပဒေအကြောင်းအရ အစိုးရ အရာရှိတဦးအနေဖြင့် အမှုဖြစ်ပွားနေစဉ်တွင် အမှုရင်ဆိုင်စဉ် ကာလမှ ပြီးဆုံးချိန်အထိ တာဝန်မှ ယာယီ ရပ်ဆိုင်းထားရမည် ဖြစ်ကြောင်း တရားရုံးချုပ်ရှေ့နေကြီး ဦးအောင်သိန်းက ပြောသည်။
အဆိုပါ ယာဉ်တိုက်မှုနှင့် ပတ်သက်၍ ပြန်ကြားရေးနှင့် ပြည်သူ့ဆက်ဆံရေး ဦးစီးဌာနတွင်လည်း ဌာနတွင်း စုံစမ်းစစ်ဆေးရေးအဖွဲ့ ဖွဲ့စည်းလိုက်ပြီ ဖြစ်ကြောင်း၊ မတ်လ ၅ ရက်နေ့တွင် အပြီးစစ်ဆေးကာ ရရှိလာသည့် အချက်များအပေါ် မူတည်၍ အရေးယူ ဆောင်ရွက်သွားမည်ဖြစ်ကြောင်း သိရသည်။
“ကျနော်တို့ မနက်ဖြန် ဌာနဆိုင်ရာ စစ်ဆေးရေးအဖွဲ့ရဲ့ စစ်ဆေးချက်ပေါ်မှာ မူတည်ပြီးတော့ ဆောင်ရွက်သွားမှာပါ။ သူ့ (ဦးမျိုးဝင်း) ကို ထိထိရောက်ရောက် အရေးယူလိုက်မှာပါ” ဟု ပြန်/ဆက် ဦးစီးဌာန ရုံးအဖွဲ့မှူး ဦးမြင့်ထွေးက ဧရာဝတီသို့ ပြောသည်။
ရဲတပ်ဖွဲ့၏ ပြောဆိုချက်အရ အခင်းဖြစ်ပွားစဉ်၌ ဒဏ်ရာရ ကစားသမားများကို ဦးမျိုးဝင်းက ၎င်း၏ ရာထူးတာဝန်များကို အလွဲသုံးစားပြုလုပ်၍ ကြိမ်းမောင်း ပြောဆိုမှုများ ရှိခဲ့သည်ဟု စွပ်စွဲပြောဆိုထားကြောင်း သိရသည်။ ဖြစ်စဉ်နှင့် ပတ်သက်၍ ဦးမျိုးဝင်းကို ဧရာဝတီက မေးမြန်းရန် ဆက်သွယ်ခဲ့သော်လည်း ဖြေကြားခြင်းမရှိပေ။