TARA N LANG

                 Ding hpring n-gup, Asak hka sup;

                 Tara n lang, Agang chyamang;

                               Dinghpring shinglet, Gumhpraw ajet;

                               Dinghpring marit, Lam sh’gu myit dik;

                 T’ra n lang wa, Bungsha hkoi na;

                 Karai hpe hkrit, Hkungga ai myit;

                               Asak galu, Myit ai kaw du;

                               T’ra n lang, Sak k’dun magang;

                 Kabu gara, Dinghpring ai wa;

                 Tara n lang, Myit m’da chyalang;

                               Hten bya mat na, Matsing mai nga;

                               Karai a lam, Tengman sham kam;

                 Kam sham ai wa, Atsam lu na;

                 N hkru amu, Galaw wa m’tu;

                               Hten bya lam chyu, Byin tai ai mu;

                               Dinghpring ai wa, N shamawt hkawm ra;

                 T’ra n lang wa, Shanu na n nga;

                 Dinghpring n-gup, Hpaji ga sup;

                               Masu magaw, Shinglet shachyaw;

                               Atawk kau ai,  hkrum na re ai;

                 Dinghpring ai wa, Tsaw myit chye nga;

                 Tara n lang wa, Manai ai ga;

                               Tut tut e  tsun, Teng ai n lun;

                               Dai kadai rai? Tai hpyen wa rai.

Shanglawt Tsing

14/8/2012