Makam Hpung mying hte pat jele ai Mayu Dama

Moi Jinghpaw Wunpong myu sha ni nat jaw nga ai ten hta e Mayu kasha sha rai yang gaw num jaw num ya makyit mahkai rai mayu dama nga nna pra lai wa ai re.
Ya daini Madu yesu hpe hkap la kam sham wa ai shaloi she RC law KBC law AG law Madung law nga hpung grai gin hka wa ai gaw jaw nga ai kun?

Ga shadawn RC shayi sha wa KBC la kaw wa na rai jang hpung nbung ai myit nhkrum ai nga baw ni nang dai hpung jan tai yang mara kaba lu na lawan myit malai u nga baw ni grai na taw ai ndai gaw byin ging a ni ?

Moi prat gaw mayu dama majing re ya hpung prat hta gaw KBC law Madung hpunglaw nga naw ku hpung mying a majaw numjaw num ya pa nmai wa re ai ni gaw byin ging ai amu re i ?
Makam masham gaw ahkyak i ? Nawku hpung mying gaw ahkyak i ? kadai hpung wa gaw Chyum Laika shajan lang nga ai ta ?

Gara nawku hpung mying hpe sha Yesu hkye la na nga Chyum Laika hta rawng nga ai kun?
Yesu hpe hkapla lam kamsha sai ni ws hpa rai nang grau ngai grau nga na rai dum nga ma ata ? Yesu gaw mungkan masha yawng hpe tsaw ra ai she nga ai . RC hpe sha KBC hpe sha Madung AG ya nnan hpang kabrawng ws ai Korea hpung tai ai ni hpe sha tsawra na hkye la na nga ntsun da ga ai.
Hpa majaw hpung woi nkau dai hku lam woi shadam nga ai kun? Hpung gin hka nna nta htep htingbu wa kyu hpyi ting pa nsa ' nsae re ai mabyin ni anhte Wunpong hpung masha ni hta byin taw nga sai le . Ndai gaw hka bra na a npawt re hkrit hpa nan rai nga ai . Anhte shada ndai hku ginhka nga magamg htingbu Myen Miwa Gala Sam ni gaw grau she kabu lagu jahpoi nga ai hpe dum nga ai kun ?

Anhte gara nawku hpung shere ngu ai hpe nmyit ai sha anhte Yesu a kasha ni re Yesu hpe hpap la kam sham ni ni hkrai re ngu ai hku sha myit ga .Wunpong sha rai jang gaw mayu dama numjaw numya wang lu wang lang galaw ga .Kashu kasha mayat maya ring chying law htam wa ga .Hpung ginhka ai a majaw grai htap htuk ai num nna lannan ni hkrap ra yawn ra ai grai law sai re. Kalang nta masha ni je pat ya ai 'kalang lang hpung woi ni jepat ya ai ' kalang lang hpung masha ni jepat ya ai .Ndai gaw manang yen a hkap sha lam hpe nmyit ntau ya tinang byin mayu ai hpe madung dat ai tinggyeng myit nan re ' matsat hpa she re.
Bukda ni kade law wa tim hpung ngaran ai .Teng man ai Karai Kasang hpe lu da ai anhte ni Hpung ngin hka ga ngu ngai langai na ning mu shaw madun dat ai law.